فطير مشلتت مقدم من الشيف كريمه علي
كتبت نهي مرسي حمامه
المقادير
*****
لفة جلاش.
سمن او زبدة بلدى سايحة.
علبتين زبادى
علبة قشطة او قشطة لبن
معلقة كبيرة ييكنج بودر
رشه فانيليا
رشه سكر
رشه ملح
طريقه التحضير
هاتي بولة وحطي فيها سمن سايحة علي الزبادى علي نص علبة القشطة وشيلي النص التاني للوجه
هاتي صنية بطنيها بالسمن وخدى ورقتين جلاش
حرفهم في نص السنية وادهنيها بخليط السمن
هاتى ورقتين تاني وغطي جزء من الصنية تاني وادهنى بالخليط
وخلي باقي الورقة خارج الصنية ولما تخلصي الورق ابتدى حطي ورق الجلاش اللي خارج من الصنية داخل الصنية وادهنيه بخليط السمن
القشطة الباقية ادهني بيها وش الصنية ودخليها الفرن علي درجة حرارة ١٨٠
هتلاحظى انها بتتنفخ زى الفطير ووشها بيحمر بتستوى في حدود ربع ساعة وممكن اكتر حسب فرنك طبعا لكن موضوع بجد يستحق التجربة 😉
والله طعمها فطير ملهاش علاقة بالجلاش ولا التوريقة روعة
