فنان شهير يهاجم إنتصار و الأخيرة ترد عليه في “العرافة”
فنان شهير يهاجم إنتصار و الأخيرة ترد عليه في “العرافة”
كتبت: أحلام محمود سيد
تحدثت الفنانة انتصار في خلال حلقتها مع الإعلامية الدكتورة بسمة وهبة في حلقة العرافة التي عرضت مساء اليوم عبر شاشة المحور،حول خلافها مع الفنان محمد رمضان.
حيث قالت: محمد رمضان كتبلي شكرًا يا انتصار على الأغنية من باب المحبة و المناغشة.
و أضافت: هو مزعلش مني و الدليل قوة علاقتي بيه و قوة علاقتي بيه اكبر من انه يزعل و انا بمثله حاجة مهمة و هو يمثلي ذكرى مهمة هو اللي فكرني بيها.
و تابعت انتصار في خلال لقائها في برنامج العرافة: كان هو لسه صغير و مش معروف و انا طبعًا كنت اصغر كنا في مسرح البالون و كان معاه واحد صحبه شبه اوي و كانوا ماشيين بشنطة هاند باج كأنهم راجعين من المدرسة و دخلوا المسرح و كان موجود ابراهيم نصر الله يرحمه و المخرج محسن حلمي فانا انتبهتله و قالي احنا بنلف في المسارح و بندور على فرص شغل.
معقبة: على فكرة هو اللي فكرني و انا اتخضيت، و سألته انت عايز اي هتعمل اي قالي احنا بنلف ع المسارح و عايزين نعرض للمخرج اننا بنعرف نمثل، و انها كانت متحمسة له.
و يذكر أن حدث خلاف بين محمد رمضان و انتصار عقب تصريحات تليفزيونية لها و تعليقها على جملة “نمبر وان”.
و قالت انتصار في حلقتها مع الاعلامية بسمة وهبة: التعالي أولًا مش من صفاتي يعني أنا بشتغل بقالي كتير أوي مش بس برنامج نفسنة.
و تابعت :و بعدين أنا اما اقول انا النجمة هنا دا حقي هو الناس مستكترة عليكي اللي انتي فيه ليه هو أنا أشتغل عشرين سنة و اما اجي اقول أنا مشهورة يقولوا متعالية.
و أضافت : أنا مشهورة و لو مش عاجبك اخبط راسك في الحيط.
و كشفت عن سبب تركها برنامج نفسنة هو إنشغالها بأعمال فنية لها و بسبب كثرة الضغط عليها و لا يوجد تعاون من القناة في تنظيم اوقات التسجيل
