فن علاقاتك بالأخرين ” الطريقة المثلي للتعامل مع المحيطين بك ؟!!
فن علاقاتك بالأخرين ” الطريقة المثلي للتعامل مع المحيطين بك ؟!!
كتبت ستايلست /داليا حسام
صعب انك تلاقى وصفات جاهزة تساعدك على بناء علاقات سويه مع الآخرين لكن بتنجحى فى ده بأسلوبك وبناء علاقات هاديه مع الأخرين
من أهم أسباب نجاح علاقاتك مع الأخرين
الأنصات لهم أنك تتمعى بقدره على الاستماع ليهم وده مش معناه أنك تستمعى بدون حديث منك أنما المقصود الاستماع الايجابى أو فن السكوت وقت اللزوم
طبيعى يكون ليكى ردود ووجهة نظر فى الموضوع اللى بتسمعيه الذكاء أمتى تبتدى تتكلمى وامتى تسكتى علشان الشخص اللى قدامك يحس بأهتمامك بحديثة واحتوائك لكلامة ده هيخلى معظم اللى تعرفيهم يحبو الحديث معاكى
مدحك للآخرين
أنك تعرفى تمدحى الآخرين ده شئ جميل بيولد موده بينك وبين الناس
معظمنا كلمة المدح بتحفزه وترفع من معنوياته
بلاش اسلوب النقض والتركيز على أخطاء الأخرين ده بيولد نفور بين الناس
مش لازم دايما تكونى على حق لأن ده هيخلى حديثك دايما هجومى خالى من الود
أنك فى وسط حديثك تعترفى أنك كنتى غلط فى موقف معين ده مش هيقلل منك خالص بلعكس الشخص اللى قدامك هيشوفك واثقه من نفسك ابعدى عن الكذب فى حديثك لانك ممكن تتكلمى مع شخص فى موضوع بشكل ويكون هو عارف حقيقه الموضوع وانتى متخيله أنه مصدقك لكن فى الحقيقة أنك بتقلى فى نظر الشخص ده والفكره اللى بتتاخد عنك أنك شخصيه كذابه كلامك غير موثوق فيه وده يقلل منك ويخلى صورتك قصاد الناس مهزوزة
اتعلمى تحفظى السر
أنك تحافظى على أسرار الأخرين ده ليه دور مهم فى علاقاتك ويخليكى محل ثقه
تقبلى الفروق فى الطباع بينك وبين الآخرين محدش شبه حد دورى على الاهتمامات والصفات المشتركة اللى ممكن تخلى علاقتك بللى حوليكى طيبه
خليكى متسامحة ولطيفه
لما تلاقى النقاش بقى حاد بينك وبين أى شخص علشان تعرفى تحافظى على علاقتك بيه
محدش فينا مثالى مهما حاولنا وبذلنا مجهود أننا نوصل للمثالية مش هنعرف اتعلمى أنك لما تغلطى تعتذرى
خليكى اجتماعية ده بيزود علاقاتك مع عدد كبير من الناس معظم الناس بتنفر من الشخص اللى طبعه مش اجتماعى
خليكى عطوفة على الآخرين وديه من أهم الصفات الايجابيه ولكن استخدميها بحرص
واخيرا خليكى دايما شخصية بشوشة دائما يكون على وشك ابتسامة صادقة ده هيكون الانطباع الدائم عنك أنك شخصيه مبتسمه بشوشه
حياتك عبارة عن سلسلة من العلاقات
خليكى دايما مبدعه فى فن أداره علاقاتك بلأخرين
