فى عالم إفتراضي للكاتبة خلود عادل
في عالم افتراضي
بقلم :خلود عادل
في عالم إفتراضي غريب مشاعرنا لقيتها في شاشه محبوسه
ما بين لايكات و كومنتات وصوره heart وكام بوسه
مشاعر حزن في بقاء لله وبعده بثانيه في معايدة يادي الحوسه
بنتفاعل بسرعه إزاي ونتنقل بمشاعرنا ونفصل بينها وبدوسة
مشاعر بارده وعلاقات باقت فاترة خلاص ماعاديتش محسوسة
بعدنا إزاي؟ وتابهين فين ؟وجبت الوقت ده كل منين يا محروسه
ما بين جروبات طبيخ وغسيل ويوميات لمفروسه
ووصفات أكل يا ما كتير صور لفسيخ وبعده تلاقي بسبوسة
ودخلتهم بقيت واحده وحركاتهم باقيت بايخة ومفقوسة
تقول انا نفسي ابقي ترند وعلي اللايكات انا اتراهنت
خطيبي قال هتاخدي جنيه علي التعليق وعالكومنت
وانا نفسي اجيب k وغيرها كتير تعبت بجد و اتجننت
في ناس بقه همها الليكات وتعمل ايه عشان تزود الفنزات
وهوبا تخش في مسابقات وضيفي صحاب علي الجروبات
و ليكي هديه محفوظه
ولو جاتلك رسالتي دي ليكي i phone وتبقي من الناس الي محظوظه
فاكرني بابني فطوطه ؟ علي ماما؟ انا شاطره وفزلوكه
ورغي كتير وحشو كتير وناس عايزه تبقي و بسرعه مشهوره
وتايهين بين جروب الفيس وبين تيك توك انستا بصوره
أسطورة
صور مليانه بالاوان وedit واضح زيرو make up بريق زايف مالي الصوره
وبره الكادر تلاقي دموع مبنشوفهاش مكانها القلب محسوره
في عالم افتراضي عجيب
