فيفي عبده :أنا مشبعتش من الفن ..وهعتزل الرقص لما ربنا يريد 

فيفي عبده :أنا مشبعتش من الفن ..وهعتزل الرقص لما ربنا يريد 

ياسمين عصام 

حلت الفنانة ” فيفي عبده” ضيفة حلقة أمس الجمعة ببرنامج «مع الفارس»، الذي يقدمه الإعلامي نزار الفارس المذاع على قناة “الرشيد” ، و تحدثت خلاله عن ضريبة نجاحها و خوفها من السحر .

وقالت فيفي عبده أثناء أحداث البرنامج عن دفعها لضريبة شهرتها و نجاحها :” مكنتش بنام كويس، وكنت مطلوبة جدا في السينما والمسرح واللايت والأفراح والمسارح، ومتمتعتش بالحياة وطول الوقت بشتغل “.

كما عبرت عن خوفها من السحر قائلة ” أنا بيتي مليان سحر، كل واحدة قادرة تعمل حاجة بتبعتهالي في كيس بيترمي عن طريق الشغالين، مفوضة أمري لله، السنة اللي قبل اللي فاتت روحت مارينا وعمل رقصات لذيذة جداً وبعد ما مشيت من هناك بقيت متدهورة ليه مش عارفة؟، وبقرأ قرآن دايمًا ومش بسيبه من بوقي “.

و عن موعد أعتزالها قالت : ” أنا مشبعتش من الفن، ده بيبقى في الدم، وهعتزل الرقص لما ربنا يريد، ومش هتوب ، هتوب عن إيه؟ أنا مقتنعة باللي بعمله ودي مش اسمها توبة، ربنا رب قلوب “.

كما عبرت عن حبها الشديد وتعلقها بالرقص قائلة “حتى بقول سبحانك يارب معلش، ربنا يسامحني أنا بحب الرقص جدًا، وحاجة بتديني طاقة إيجابية ليا أنا وبكون سعيدة، ومخلصة في عملي وبحبه، وحتى لو قابلت رب العالمين هقول بحب الرقص، لأن مش ممكن أبقى كدابة، وفيه ناس كدابة، يبقوا بيشربوا الحشيش، ويقولوا “لا لا، حد الله” ودول ناس كذابة، ولازم منكدبش على رب العالمين “.