قصيدة للشاعرة انتصار محمد حسين بعنوان …افتح القوس

قصيدة للشاعرة انتصار محمد حسين

بعنوان …افتح القوس 

…

افتح القوس يا ابنى
وخُد بالك من عيون اعاديك…

(حُط نويبع جنب طابا
… والمَعبَر وسيب القوس…. مفتوح ….

بُكرة الرد.. كل العالم هتسمعه…
وعلم القدس.. بكره هنرفعه…
وبقوة رَّدِّنا… غدر العِدا هيبان

وهيبفى مفضوووح…
وبعدها حُط تل أبيب
وكل مُدن اسرائيل
مهو مبقاش عيب …وكل شيء مسموح …..

نرد بضربة تكَّسَّر جدوره
ولما يلمونا ….
نقول معلش💪 مش قصدِنا💪
وباب الاعتذار على طول مفتوح…

والغلط بالغلط يُذكَر 💪💪
ما احنا بَشَر
والغلط وارد ومسمووووح…..💪

واقفل القوس بعدها
وحق الرد واضح
طول ما تُرابنا مجروووح…….

…
قوم يا ابني يا عبد السلام …
قوم احرس أرض السلام
كَّسَّر شوكة العِدا
وافهم … مَغزَى الكلام ….

أصل العدو …جبان
ولا عمره كان… إنسان
قَطَّع معنى البرائة …
وهَدَّمِ … الأوطان

قوم كسَّر له الإيدين….
خليه يشوف… احنا مين
وان العالم بأثرُه
فِداك يا مصرِنا
ولو حتى هنِقلِبها حِطين …
…