عاجل .. مفاجأت جديدة في اعترافات احمد فتوح بشأن قضية الدهس بالطريق الساحلي
أنكر أحمد فتوح لاعب نادي الزمالك تعاطيه المخدرات خلال قيادة السيارة في حادث الدهس بالطريق الساحلي، معترفا بتسببه في الواقعة: أيوه أنا عملت الحادث بس مكنتش شارب حاجة وكنت مركز أنا كنت ماشي وهو بيتفادى عربية تانية وهو بيعدي أنا خبطته، وكنت سايق على سرعة 110 كيلو.
كتبت- دعاء علي
التحقيقات تكشف الواقعة
وكشفت تحقيقات واعترافات لاعب الزمالك أحمد فتوح، في القضية التي حملت رقم 1939 لسنة 2024 جنايات قسم العلمين المقيدة برقم 1377 لسنة 2024 جنايات كلي مطروح، تفاصيل تسببه في قتل المجني عليه أحمد السيد بالخطأ، والقيادة تحت تأثير المخدر.
وأوضحت التحقيقات أنه خلال عبور المواطن الطريق الساحلي السريع من الناحية البحرية إلى الناحية القبلية وعلى أقصى يسار الطريق تصادف مرور السيارة رقم ا ف ج بقيادة المدعو أحمد محمد أبو الفتوح وشهرته أحمد فتوح بسرعه فائقة أدت إلى الاصطدام بالمتوفى وتناثره إلى عدة أشلاء بعدة أماكن متفرقه، من بينها داخل السيارة التي ارتكب فيها الحادث الحادث والتي تم تجميعها بمعرفه رجال الإسعاف من مناطق مختلفة على الطريق، وتبين توقف السيارة على بعد 500 متر تقريبًا من موقع الاصطدام.
إقرار المتهم باعترافاته
وأمام جهات التحقيق، أقر أحمد فتوح لاعب نادي الزمالك والمتهم بالتسبب في قتل المجني عليه أحمد السيد بالخطأ والقيادة تحت تأثير المخدر، بارتكاب الواقعة لكن دون تعاطي الحشيش.
وأوضح فتوح لاعب نادي الزمالك أمام جهات التحقيق: اللي حصل أن أنا كنت في قرية هاسيندا باي بقالي ثلاث أيام، النهارده الرابع وامبارح الكابتن محمد صبحى وأحمد صحابنا كانوا معايا، اتفقنا أنا نروح نتعشى بليل عند مطعم اسمه بالربا في العلمين بجوار فندق ريكسوس، وبعد ما اتعشينا ركبنا العربية بتاعتي والكابتن محمد صبحي قاعد قدام جنبي وأحمد اللي كان معانا قاعد ورا في النص.
المجني عليه فاجأني
واستطرت فتوح: وكنا راجعين على قرية هاسيندا بای، ومره واحده لقيت واحد بيعدي الطريق وبينادي عربية كانت معديه جنبي فخبطه.
وأردف أحمد فتوح لاعب نادي الزمالك بالتسبب في قتل المجني عليه أحمد السيد بالخطأ والقيادة تحت تأثير المخدر: قبل ما أخبط أحمد اللي قاعد ورا قاللي الحق الحق، وهو وده اللي خلاني أخد باللي من العربية اللي جنبي وهي بتعدي والراجل بيناديها وأنا بخبطه، أحمد اللي كان قاعد ورا كان بيصوت وكابتن محمد صبحي نط من العربية، ولما وقفت لقيت في جزء من الجثة جوه العربية مش عارف دخل منين.
