قلب يحبك أم عقل يفهمك؟ روح تتواصل مع روحي

 

قلب يحبك أم عقل يفهمك؟
روح تتواصل مع روحي

كتبتها / دعاء خطاب

في ناس خطأها في حقك مغفور
ومعفي عنه لأنه مش مقصود بيه جرحك ولا كسر نفسك ولا بيوجعك عن قصد.. مجرد بني آدم وغلط  بتبقي محسوسه ومش حتغلط في تفسيرها.

لكن اللي عن عمد بيوصلك إنه لا له عزيز ولا غالي…وإن كسر خاطرك عنده سهل ولا بيعك قرار سريع ياخده في لحظه يشطبك من حياته عند أول موقف بينكم
ده يلزمك في إيه معرفته ؟!
طيب تأمن له إزاي.. تصدقه تاني وتفتح له قلبك على أي أساس
حتعرف تطمن له تاني بعد ما خاطرك
هان عليه؟!

اوقات كتير باخد قرار اتسامح علشان
سلامي النفسي.. علشان ده عندي مبدأ وأساس حياه.. ممكن أنسى اي حاجه في حقي حصلت بدون قصد مهما كان وجعها أو على أقل تقدير اتناسي عن عمد واتغافل.. وأحياناً اتغابي لحفظ.. باقي الود.
لكن “قلبي بيتقفل” تمامااااا لما يكون
الغلط مُغلف بكبر .. بشده.. بإنكار
بقسوه قلب!!!
لو اضطرتني الظروف أتعامل أيوه
لكن في حاجه جوايا بتكون راحت خلاص.. ويبقى له عندي بس
اتقى الله فيه…و الإنصاف عند ذكره.

لما حد يقرر يشتريك ويلجأ
” للعفو عند المقدره” بلاش تصعبها عليه.. بلاش تلوي قلبه باللين اللي فيه.

” أﺳﺎﻣﺢ ﻷﺭﺗﺎﺡ ﻭ أﺗﻨﺎﺳﻰ ﻷﺑﺘﺴﻢ
ﻭأﺻﻤﺖ ﻷﻧﻲ ﻻ ﺃﺭﻳﺪ أن أﺟﺎﺩﻝ
ﻭأﺗﻐﺎﺿﻰ ﻷﻥّ ﻻﺷﺊ ﻳﺴﺘﺤﻖ”

وعلى العكس تماماً الشخصيات

اللينه.. السهله.. المُغلفه بالحنيه
مغفور لهم أي حاجه في قلبي
بنسى بجد.. بسامح من جوايا
الحنان بينسي الوجع والموده
الصادقه القلب بيحسها وكأنها طبطبه
عليه بحب.. المشاعر الحقيقيه
تلين أي شئ وتغفر كل حاجه.

” كن حريصـاً على ألا تخسر إنســاناً

يحــبك بصدق.. يغفر لك ذلاتك 

فهذا الإنسان قد لآ يقدمه القـدر

إليك مره آخرى”