قلقاس بالسلق مقدم من الشيف أسماء ابو بكر
كتابة نهي مرسي حمامة
المقادير :
كيلو قلقاس
½ كيلو لحمة مكعبات
حزمة سلق
حزمة كسبرة خضراء
٤ فصوص توم
بصلة
½ عصير ليمونة
معلقة سمنة
ملح
فلفل اسمر
الطريقة :
يضرب السلق في الخلاط ½ كوب ماء ثم نعصره جامد و ناخد الورق في طاسة علي النار فيها سمنة و معاها الكسبرة و التوم و نحمر علي النار لحد ما تتحمّر و اللون يتحول للبني الغامق و نكون محتفظين بالماء المتبقي من عصر السلق .. و يقشر القلقاس ويقطع مكعبات ويغسل جيدا بالماء البارد لان الماء الساخن هيزيد من المزلقة اللي فيه و حلة علي النار فيها ماء مغلي يسلق اللحم و ينزع الريم و نضيف البصلة المقطعة صغيرا جدا و قرب النضج نضع القلقاس المغسول جيدا و الماء المتبقي من عصر السلق و قرب سوا القلقاس نضيف عصير الليمون و الملح و الفلفل الاسمر والسلق المتحمر بالتوم و الكسبرة و دقائق و طفي عليه و يقدم ساخن مع الرز بالهنا و الشفا ..
