قوارب البطاطس مقدمه من مروة جمال
وقت التحضير ١٥ دقيقه
وقت الطهى ٣٠ دقيقه
المقادير
كيلو بطاطس مقشرة ومقسمه بالطول ومفرغه من النص
ربع كيلو لحمه مفرومه
٣ حبات فلفل رومى قطع صغيره جدا
فلفل حامى اختيارى
٢ بصله مبشورة
زيت
زبده او سمنه
بهارات
فلفل اسمر
ملح
قرفه
زعتر
جنزبيل
مكعب مرق
جبنه موتزرايلا
الصلصه
طماطم معصورة
معلقه كبيرة معجون طماطم
بصله كبيرة مبشورة
ملح
فلفل
زيت او سمنه
الوصفه تقدم مع أرز بالشعريه
الطريقه
لتعصيج اللحمه نضع البصل ومعها رشه ملح (ضررررورى فى اى وصفه فيها بصل تبقى معاها رشه الملح لمنع ظهور رائحه البصل فى الطهى)فى طاسه على النار مع شويه زيت وسمنه او زبده ثم نضع كل التوابل ومكعب المرق نحمصها شويه بتدى تست حلو قوووى فى الطعم ثم نضع الفلفل الرومى والحامى ونقلب ثم نضع اللحمه المفرومه ونقلب وتترك حتى تمام السوا ثم نضع الملح اثناء طهى اللحمه نحمر قوارب البطاطس ونعمل صلصه التغطيه نحمر البصله فى زيت او سمنه مع رشه الملح وتقلب حتى تتدبل ثم نضع الطماطم ومعجون الطماطم والفلفل والملح وتغطى حتى يتقل قوامها كل حاجه جهزت نحضر صنيه بيركس او اى نوع صنيه ونضع فى قاع الصنيه صلصه الطماطم ثم نحشى البطاطس بخليط من اللحمه المفرومه والصلصه وشويه جبنه موتزرايلا ونرص البطاطس فى الصنيه ونغطيها بصلصه ونضع جبنه موتزرايلا وتدخل فرن ساخن لمده ١٥ دقيقه وتقدم ساخنه مع أرز بالشعريه او ارز ابيض وبالهنا
رئيس قسم المطبخ أ / جيهان جعفر
