كاتب ساخر /بقلم الكاتب والشاعر صموئيل نبيل أديب

بقلم صموئيل نبيل أديب

 

كاتب ساخر كلما انضممت إلى صفحة أو مجموعة علي الفيس ككاتب ساخر

 يكتب الفيس قبل اسمي أشارة ( بادئ محادثة)

و التي تعني أنه دائما كل مقالاتي تؤدي إلى حدوث محادثات قوية بين الأعضاء..

يعني أنا اللي ( بنكش) الناس

 

كاتب ساخر

 

و أنا في( النكش ما اقولكش)

و لما تنكشني.. ما تزعلش

اصلي انا في التريقه.. ما بهزرش

كاتب ساخر… و في السخرية ما اعتقش

ههزر عليك.. و ما ارحمكش

و لو زعلت.. ما اعرفكش

هو محدش قالك إبعد عن السبع.. و ما تقربش؟ 

خدلك ساتر كده… و ما تظهرش

 

تشوفني تقول ده (كيوت).. وبكرش

بس انت يا عيني.. ما خبرش 

 انا لابس نظارة.. و مابشوفش

كلمتي (طَرشه).. تنزل عليك.. و ما ترجعش

تلم بواقي كرامتك.. و ما تعرفش 

اصلي انا في السخرية.. ما ارحمش*

 

كاتب ساخر و جنيه في ايدي.. ما امسكش

و اروح استلف من (الناشر).. ما يدفعش

ويقولي.. أصل انت ما بتبعش

 

طيب اكتب ايه قولي.. و ايه انا ما اكتبش

 

كاتب ساخر وفي التجارة.. انا ما افهمش

 

افهم في الكلمة والجملة.. و في غيرهم أنا ما ابعش

 

و كلمتي أنا غاليه… بس الناس ما بتقدرش

 

يجروي و را بيكا و اورتيجا.. وفي دول أنا ما اقبلش

 

اصل أنا كلمتي عالية.. و ما تنزلش

 

 و أسهر انا ليلى .. من الجوع ما انمش

 

كاتب ساخر بس الدمع من عيني.. ما وقفش