كانت صدفة.. بقلم/ غرام نعيم.

كانت صدفة قابلتك فيها
قلت كلام وحاجات بأعنيها
قلت معاك اللي ماقولتوش
غير وياك ولا حتى لنفسي
قلت كلام وماتسألنيش
إزاي قلته لحد مايعرفنيش
قلت إن أنا بأحلم كدة أعيش
في عالم تاني زيه مفيش
عالم يسمح بالحرية ليا وليك ولكل الدنيا
عالم يبقى بدون أنانية
تبقى الدنيا معاك حاجة تانية
أنا حسيت وياك بمشاعر
عمري بجد ماحسيتهاش
أنا حسيت إن أنا كده شاعر
أقدر اكتب فيك أغنية
يعني كلام من القلب بيطلع فيه حنية
كل الناس تقدر تفهمه وتشوف بعنيا
وتبقى دي صدفة وأجمل حاجة حصلت ليا