كبسة الفراخ وصلصة الدقوس مقدمين من الشيف ام بدر

كتبت نهي مرسي حمامة

طريقة كبسة الفراخ
نحضر بصلتين نبشرهم و طماطماية مبشورة وملعقة كبيرة صلصلة وجزر مبشور و قرنين فلفل منقطعهمش زى ماهو
نضع ملعقة سمنة وزيت في اناء سخن ثم نضع البصل يتشوح وياخد لون و نضع عود قرفة و حبهان و ورق لوري و نقلب عشان ياخد الطعم والريحة ثم نضع الوراك متقطعة او ممكن فرخة وتقطعيها ونكون غسلينها جيدا بملح و خل و دقيق و نضعها تتشوح مع البصل ونضع ملعقة كاري وملعقة كركم و بهارات كبسة وننزل بالجزر المبشور والطماطم والصلصلة ونقلبهم ونتركهم حوالى ١٠دقايق ثم نضع 2 كوب ماء كبار نغطي بيهم الفراخ و نتركهم يستوا ونوطي عليها و بعد ما الفراخ تستوي ننشلها من الاناء على جنب و نكون غسلنا الارز المصرى حوالى 2 كوب او حسب المقدار ننزله في نفس الاناء اللي عاملنا فيها كل حاجة فوق و نزود ملعقه صغيره ملح وفلفل اسود و نغطيها بقي ونترك الارز يتشرب
و ناخد الفراخ نضعها في صنيه في الفرن تاخد لون و تتحمر و نغرف الاز ونضع عليه الفراخ وبالهنا والشفا👌👌👌👌ملحوظة ممكن بعد سوى الفراخ الماء تقل لما نيجى نضع الارز لو محتاج تزودى معيار الماء لو مش محتاج خلاص

صلصة الدقوس
نحضر ٤طماطمات مقطعين وقرن فلفل حراق وملعقة كبيرة صلصلة وفلفل اسمر وفلفل وكسبرة ناشفة وملح ومعلقة توم مفرو وزيت و٣معالق كبار خل وربع كوب ماء وعصرة ليمونه
نحضر الخلاط نضع الطماطم والفلفل الحراق والبهارات والخل والمية الصلصلةونضربهم بس متخلهوش ناعم ثم نحضر طاسة نضع زيت وتوم المفروم اول ماتشمى ريحة التوم انزلى بالصلصة المضروبة فى الخلاط وغطى علية ونسيبة الصلصلة تتقل والف هنا