كبش الفدا
من شعر محمود المزين
(كبش الفدا )
ضرب نار , طعم المرار
صوت الدمار
, كان له صدى مين اللى كان , فينا ابتدى ؟
الدفعة بيلبى الندا طول عمره
, يحلم بالرضا صيحة أسد ,
لو تسمعه واقف بيحرس مدفعه
الطلقة جات مش توجعه
خلت فيه روح متجددة
ايه اللى وصلنا لكده ؟
المزيد من المشاركات
يا قلوب فشوش متزمدة
الطلقة لما تصيب جدع حس بوجع ,
رد بفدا دى قلوب شباب متأكدة
ان الحياة لازم تزول والجنة وعد
من الرسول والموت فى قلب المعمعة
احسن من الموت م الخزا
منظر أهالى مدمعة
عاوزه نداويها بمية جزا
يا قلوب ما تعرف ربنا
لو مية سنة هنكون كده
لازم فى يوم هنزلكم ونحطكم كبش الفدا
