كب الجلاش بالكنافه والشيكولاته مقدمه من شيف عبير علي
طريقه جميله جدا وسهله كمان لعمل كب الجلاش باكنافه والشيكولاته
كتبت سمسمه سعد
مدة التحضير ٣٠دقيقه
مدة الطهى ١٥دقيقه
المقادير :
لفة جلاش
2 كوب كنافه محمرة
كوب شيكولاته قابله للدهن
كريم شانتي مخفوق
سمنه سايحه أو زبده
شربات
للزينه
عين جمل
شيكولاته
الطريقه :
نحضر لفة الجلاش ناخد ورقه ونفردها وندهنها سمنه ونقسمها إلى اربعه وناخد كل ربع نقسمه مربعات ونحضر صينية كب كيك وندهنها سمنه ونضع 3ورقات من اللي جهزناهم مربعات فوق بعض ولازم يكون بين كل طبقه سمنه وندخلها الفرن على 160 درجه علشان تبقى لونها دهبي ولما تطلع نسقيها شربات ونتركها تبرد ونحضر شيكولاتة الدهن ونضعها في الاكواب بالمعلقه وعليها شوية كنافه
الكنافة بنجمدها في الفريزر ثم نطلعها نفركها بأيدينا ونحمرها في سمنه أو زبده زي الشعريه ثم نضع عليها سكر بودرة قليل ثم نزينها بالكريم شانتي المخفوق وعليه عين الجمل والشيكولاته
رئيس قسم المطبخ أ سمسمه سعد
واسماء عزازي