كتبت الشيف/دعاء لاشين

بصي يا قمر😍👇👇👇👇👇
في حاجات بتعمليها من غير قصد تؤدي لاخطاء كبيره😨😨😨

_المكنسه بتاعتك العاديه (المقشة)مش بتغسليها وتجفيفها علي الاقل مره كل اسبوع بيتعمل ريحه وحشه وتخلي الشقه ريحتها وحشه ولازم مكنسه للمطبخ ومكنسه للرسبشن والاوض ونفس الكلام على المساحة او الشرشوبة✅✅
_المكنسه الكهربه لازم الكيس يتنضف بعد كل مره ويتعطر والا الكفاءه حتقل وحتطلع ريحه وحشه 😧😧😥😥
_الغساله ارحميها كفايه مره كل يومين منها توفري المسحوق ومنها ترحمي الغساله وده كلام اتقلي من مهندس زانوسي
طب حتقولي لي اللبس الخارجي قطعه قطعه وبصابوبه بريحه علي الحوض حتتخلصي من العرق والاوساخ طب لو فيه بقع انقعي في كلوروكس ساعة واشطفي.👍👍👍
_التلاجه افصليها كل شهر ساعتين متصلتين ونضفيها كل اسبوع للحفاظ علي قوة التبريد.👍👍
_الديب فريزر رتبي كل درج واكتبي اسم اللي فيه وتاريخ الشراء و الا تعرضي عيلتك للامراض اسمعي كلام اختك 😆😆😉😊
_اتخلصى من كيس الزبالة اول باول علشان الروائح الكريهة والحشرات
_الشوربه وانت بتعمليها ازيلي الريم اول باول لضمان جمال وريحه الشوربه
ولما تبرديها ازيلي الدهن.
-البطاطس متحطيهاش مع البصل في التربو والا تعفن افصلى بينهم🙊🙊🙊🙊
_الرز لازم يشرب الشوربه خالص وتحطي تحته شياطه وتوطي عليه واجمل انواعه المسلوق وبعدين حته زبده علي وشه مع غرس الحبهان فيه ثم تزال وياسلام بقى لو بشرتى معاه شوية جنزبيل فريش بس بالله عليكي تجربي وتدعيلى😍😘
– فرش السرير يتشال كل يومين ويغسل ويعطر السرير ويمسح اسفله والا تراكمت الاتربه فتؤدي للحشرات ولا تنس رشها وياريت تعرضيه للشمس هي بمثابة مطهر ومعقم طبيعي
-عند طهي البانيه نضع ملعقه بيكنج بودر لللدقيق ومثلها بودره لبن يجعلها هشه…
_واخيراً وليس بأخر مسح التلاجه او البوتجاز بالكلور يعرضهم للتقشر فيكفي ماء وخل