كفتة الارز مقدمة من الشيف مرفت فهمي

كتبت غادة المصري

المقادير
كيلو لحم مفروم
٢ كوب ارز مغسول ومنقوع 2ساعة
شبت ، كزبره ، بقدونس الكميه المستخدمه حسب الرغبه انا باستخدم ربع حزمه صغيره من كل نوع
٢ بصله متوسطه
١٠ فصوص من التوم
ملح ، فلفل ، بهار لحمه ممكن ذرة من الكمون فى حاله استخدام الكفته على طول وانما لو هنحفظها فى الفريزر يفضل لا لانه بيمرر
للصلصه
توم مفروم
صلصه
عصير طماطم
ملح ، فلفل ، بهار مشكل ، ملعقه صغيره سكر

الطريقة الكفتة
– بنطحن الارز بعد ان يكون جف قليل حتى يصبح ناعم ويفرم التوم ونبشر البصل ونقطع الخضراء رفيع ثم فى الكبه او مفرمه اللحم نضعهم كلهم على بعض مع البهارات ونفرم جيدا حتى يصبح ناعم ثم نخلط هذا الخليط مع اللحم المفروم بااليد،ا ثم نفرم جميع المقادير مرة اخرى بالكبه او المفرمه ونبدا نعجنها بااليد مثل العجين لكي، نتاكد انها ناعمه وهنا بتكون الكفته بتلزق فى الايد وهى كده بتكون ناجحه
والطريقه دى بتخلينا منفرمش اللحم كتير مع باقى المكونات هنا فرمنها مره واحده وماخدتش وقت ولا مجهود
وهنا ممكن بنقسمه على اكياس ونحفظها بالفريز
– بنحضر جانبناطبق به زيت ونبل ايدينا بالزيت ونبدا نعمل الكفته اصابع وتكون رفيعه ليست سميكة ونبدا نقليها فى زيت غزير ساخن و التاكد من النضج حتي نحصل علي اللون الذهبي،
الصلصه
١ ينشوح التوم فى سمن وزيت حتى يصبح ذهبى اللون ثم نضع ملعقه الصلصه ثم عصير الطماطم والملح والفلفل والسكر والبهار ونتركها تاخد غلوه ثم نضع بها الكفته ونتركها على نار هادئة ½ ساعه