كفتة الحاتى مقدمه من شيف وليد السعيد

 كفتة الحاتى
مقدمه من شيف وليد السعيد

كفتة الحاتى زى المحلات
المكونات والطريقة
لكل كيلو لحمه ويقاس عليها عند زيادة الكمية

1- اللحمه تكون مفرومه فرم خشن مش ناعم

2- يضاف 20% دهن بتلو أو لييه ضأن مع بوش من عند الجزار

3- تتبل الكفته بملح و فلفل و بشر بصله متوسطه مصفاه جيدا من المياه لإننا هانحتاج ماء البصل عند الشوى يعنى احتفظى بيه

4- معلقتين برغل يتنقعوا فى ماء لمده ساعه ثم يصفوا من الماء جيدا و يتم فرمهم مع اللحم والبصل

5- يقسم الكيلو على 8 او 10 من القطع على هيئة كرات و يوضع فى الثلاجه لمده 3 ساعات

6- ضعى فى طبق او صينيه مياه البصل و عليها معلقه بيكربونات صوديوم او (بيكينج باودر)
طبعا فى ماده تانيه بتستخدم لكن صعب تلاقيها عند أى عطار عموما هاقول عليها اللى يقدر
يجيبها ويضيفها بدل البيكربونات اسمها (عطرون) و هى على شكل الملح الخشن و يتم تذويبها
فى ماء و تصفيتها من الشوائب و طبعا يفضل إذابتها فى ماء البصل

7- طلعى الكفته من التلاجه قبل الشوى على طول و تمسكى قطعه الكفته على ايدك وتحطى السيخ عليها من المنتصف و تضغطى اللحمه عليها و تبدأى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب ماتبقاش تخينه قوى و لا رفيعه و الأهم بعد ماتفرديها بللى ايدك بماء البصل اللى عليها كربونات او عطرون واضغطى على مسافات متباعده بصوابعك علشان تعملى فروق فى السيخ ماتبقاش الكتله كلها حته واحده ده بيقلل من وزن الكفته على السيخ ويمسك جيدا

ملحوظه:
فائده البيكربونات الصوديوم أو العطرون انه بيجعل اللحمه تتماسك بسرعه اول ماتشم النار .
وبالف هنا

يحتوي اللحم البقري على كميات عالية من الفيتامينات والمعادن، ومن أهمّها: الزنك: إذ تعتبر اللحوم البقرية مصدراً غنيّاً بالزنك الضروري لنمو الجسم والحفاظ عليه. السيلنيوم: حيث تعتبر اللحوم الحمراء مصدراً غنياً بالسيلينيوم؛ وهو معدن ضروري لمجموعة مختلفة من وظائف الجسم. الحديد: حيث تعتبر جميع اللحوم الحمراء مصدراً غنياً بالحديد الهيمي الذي يتم امتصاصه بكفاءة عالية من قِبل الجسم، وعادة ما يوجد بكميات أكبر في اللحوم الحمراء مقارنةً مع الدجاج والسمك. النياسين: أو ما يُسمى بفيتامين ب3 الذي يدخل في العديد من وظائف الجسم، ويرتبط انخفاض تناوله بزيادة خطر الإصابة بأمراض القلب. فيتامين ب 6: ويُعد هذا الفيتامين ضرورياً لتكون الدم. الفسفور: ويُعد عنصراً ضرورياً لنمو الجسم والحفاظ عليه. فيتامين ب 12: ويُعتبر عنصراً غذائياً أساسيّاً ضرورياً لتكوين الدم، كما يُعدّ مهماً لوظائف الدماغ والجهاز العصبي.

رئيس قسم المطبخ أ سمسمه سعد

تابع ايضابسبوسه بالبندق مقدمه من شيف مني جوده