كتبت سمسمه سعد
مده التحضر ساعه
مده الطهى ٢٠دقيقه
المكونات
نصف كيلو للحم مفرومه
كوبايه الا ربع برغل
بصله كبيره
ربع معلقة فلفل اسود
معلقة ملح
ربع معلقة قرفه
نصف معلقة بهارات لحمه
نصف معلقة بيكنج بودر
ربطة بقدونس مفروم
اربع معالق زيت
الطريقه :
اول خطوه ننقي،البرغل جيدا،لان بيبقى فيه رمل
نغسل البرغل وننقعه في ميه سخنه لمدة ساعه وبعدها نصفيه كويس ونعصره من الميه
نبشر البصله ونتبلها بالملح ونسيبها ربع ساعه هتصفي ميتها نعصرها كويس،اوي ونحتفظ بميتها لوحدها
هنستخدمها لتصبيع الكفته
في طبق غويط ننزل باللحم المفرومه وتفل البصل والفلفل والبهارات والقرفه والبرغل ونصف البقدونس والبيكنج بودر وننقلبهم جيدا
في الكبه او مطحنة الخلاط نضرب الخليط جيدا
ندخل الخليط التلاجه يتشمع علي اقل ساعه
في طبق صغير نضع مية البصل مع معلقة زيت واحده وندهن منهم ايدنا ونبدا نصبع الكفته على اي معلقه خشب،او سيخ شوي او قلم
ننزل بمعلقتين زيت في صنيه ونرص الكفته ونديها صدمه علي البوتجاز من فوق
الباقي من مية البصل هنزود عليه معلقة ميه واحده ونرشها علي الكفته وندخلها الفرن على الرف لمدة حوالى 20دقيقه
نولع فحمه ونجهزها نخرج الكفته نرش عليها باقي البقدونس ونطفي الفحمه في ورقة فويل فيها حتة سمنه ونغطيها دقيقتين….بتاخد ريحة الشوي
((ممكن نصبعها ونشويها عالفحم ))
نقدم جنبها مكرونه وسلطة طحينه وسلطة خضره
وبالف هنا
رئيس قسم المطبخ أ سمسمه
واسماء عزازي