كفته الحاتى مقدمه من ناهد هشام
مدة التحضير 20 دقيقة مدة الطهى 30 دقيقة
نصف كيلو لحمة مفرومة
ملعقة و نصف كبيرة بهارات كفتة
بصلة كبيرة مبشورة
4 ملاعق بقسماط
ملعقة صغيرة بيكنج بودر
ملح
فلفل
ملعقة صغيرة قرفة
نصف ملعقة صغيرة بيكنج بودر تضع على ماء البصل
بقدونس
الطريقة
اول حاجة بنبشر البصلة و نصفيها بايدينا من الماءو نحتفظ بالماء دى فى طبق صغير اهم حاجة نعصر البصلة المبشورة من التفل
و ناخدها عاللحمة مع البهارات و البقدونس و البقسماط و البيكنج بودر و نقلب جيدا
نخلطهاو ندخلها التلاجة ساعة
نحضر ماء البصل عليها نصف ملعقة بيكنج بودر و ملعقة بهارات صغيرة
نطلعها نصبعها و احنا بنصبع نبل ايدينا خفيف كدة بماء البصل
و نرصها ف صينية مدهونة سمنة
نسويها على 200 و لما نحس انها استوت نشغل الشواية دقيقة تاخد لون من فوق
نولع فحمة و نرشلها شوية زيت و نضعها فى ورقة فويل و فى نصف صينية الكفتة و نغطى الصينية عشر دقايق
و نقدمها مع سلطة طحينة
رئيس قسم المطبخ أ / جيهان جعفر
