كفته الفراخ بالكارى مقدمه من شيف عبير سيد

كفته الفراخ بالكارى

مقدمه من شيف عبير سيد
مده التحضير :30دقيقه
مده الطهى: 15دقيقه
اسم الشيف :عبير سيد
مقادير الكفته
نصف كيلو صدور فراخ
بصله صغيره مبشوره ناعم
3 عود كزبره خضراء مقطعه رفيع
2معلقه كبيره بقسماط ناعم
معلقه صغيره ثوم مفروم
معلقه صغيره بهارات السبعه
نصف معلقه صغيره فلفل اسود
نصف معلقه صغيره قرفه ناعمه
نصف معلقه صغيره بكنج بودر
ملح
للتغطيه : معلقتين من الدقيق
للتحمير الكفته :4معالق زيت
الطريقه
نقطع صدور الفراخ قطع صغيره ونفرمها فى الكبه بعد كده ننزل بالكزبرة الخضراء والبقسماط الناعم والثوم المفروم والبصله المبشوره وجميع التوابل اللى قولنا عليها ونقلبهم مع بعض كويس جدا نكورها كور على حسب الحجم اللى انتى عيزاه بعد كده نغطيها بالدقيق ونحضر طاسه على النار ننزل بحوالى 4معالق من الزيت واول الزيت ما يسخن ننزل بكورات الفراخ فى الطاسه مع التقليب المستمر لمده دقيقتين او لحد ما تاخد لون معانا وبعد كده نخرجها من الطاسه

لعمل صلصله الكارى او الصوص
4معالق زيت مع قطعه صغيره من الزبده
بصله مبشوره ناعم
معلقه كبيره كارى
معلقه صغيره كركم
نصف معلقه صغيره بابريكا
ربع معلقه صغيره فلفل اسود
مكعب مرقه دجاج
معلقه كبيره صلصه طماطم
ملح لو احتجنا
كوب ونصف ميه ساخنه
ربع كوب صغيره لبن مع نصف معلقه صغيره دقيق
(أو ممكن اضافه كريمه طهى )
الطريقه

نحضر اناء وننزل بالزيت والذبده واول ما يسخن ننزل بالبصله المبشوره ونقلبهم مع بعض كويس لحد البصله تدبل معانا نبتدى ننزل بالكارى والكركم والبابريكا ومكعب مرقه الدجاج والفلفل الاسود ومعلقه الصلصه ونقلبهم مع بعض كويس نبتدى ننزل بالميه السخنه واول الميه ما تغلى ننزل بكرات الفراخ ونسبها تاخد غلوتين على النار بعد كده ندوب نصف معلقه الدقيق مع اللبن وننزل بيهم على الفراخ ونسبها تاخد غلوه لحد ما الصلصه او الصوص قوامه يتقل معانا نطفى النار على طول

والف هنا

رئيس قسم المطبخ أ سمسمه سعد

تابع ايضاطريقه عمل سوسرول البسكويت مقدمه من الشيف فاطمه عطيه