كف إيدك
كف ايدك
بقلم :محمد الزينى
المزيد من المشاركات
كف ايدك لسه حاسه
لما كنت يدوب بخطي
وانت بتعلمني أمشي
لسه سامع صوت نداك
اللى بيحببنى اسمىٰ
اللى بيحببني اعيش
…….
كنت بتشجعنى أجرب
واتسند علىٰ عودي وحدي
بس إيدك جنب مني
تحرس الخطوه اللى بعدي
كان وجودك وحده كافي
أني اتطمن لبكره
كف ايدك فوق كتافي
بيساندني في كل فكره
……
لسه سايب بينا بسمه
طالعه من جواك تملى
ترسم الفجر في طريقي
……
كنت تتشكل تملي
يوم أبويا
ويوم أخويا
ويوم صديقي
………..
بك راح أرفع رأسي دايمًا
لما أقول اسمي تملي
هلقىٰ اسمك جه تابعني
كف إيدك وأنت برده
عند ربك بيتابعني
…….
عمري ما حسيت فراقك
كل حته حارسها طيفك
هدمتك علىٰ الشماعات
رافضه يفضي في يوم دولابك
لسه ودني ساكنها صوت
رنه المفتاح في إيدك
……
دفترك لساه في درجي
والبطاقه
حتىٰ كارنيه المعاش
كل ده يثبت بأنه
اللي حب وربي زيك
هوه ده وحده اللي عاش
محمد الزيني
