كلمات للشاعر صلاح الراوي

كلمات رائعة للشاعر الراقي

الأستاذ / صلاح الراوي

………………………………………

وأنا هوايا فى هوى الكائنات
خبيت ف مرّة مجرّة
وبقّعِتْ نص كُمى
وخفت لتشوفها أمى
لمحة فْ شقاوة صبانا
خبيت من التمر كيلة
يا حليلة والسوس بيدْبى
سلمت أمرى لربى
وسلّمِت له المجرّة
من جوه مش بس بره
من جوه مش بس بُقين
وفضل لى م الكيلة قدحين
كان النوى لسه صابح
وفيه من السوس علاماااات
وف المجرة علامة
فتلة من الكم نامت
على سدرها اللى شايفنى
وعملت نفسى باغنى
فهوايا كان من هواها
بس المجرة ما خايفاش
من هجمة الدود عليها
من بعد تسبيل عنيها
خايفة عجيبة العجايب
من الخلود اللى خايب
وأبويا قبل المجرّة
بين الشجن والمسرّة
بين نخلتين ضمّنى ومات