“كل ظلال الحب” مسافات تُقطع بالقلوب

“كل ظلال الحب”

كتبتها / دعاء خطاب

*اللي يحبك.. يحبك في كل أحوالك
و يستحملك لما تتغير.. لما تتعب ولا تبعد
وقت ما تبقى مش على طبيعتك.
العلاقات اللي بتنتهي بموقف
ماكنتش حقيقيه.. والمشاعر اللي تموت
بغلطه كانت اصلا هشه..
والناس اللي واقفه على الواحده
مش حبايب!!
بعتقد مهما يحصل المفروض
يفضل الود دايماً محفوظ
وجسر المحبه دايماً ممدود

* اوقات كتير كلمه حقك عليا
بيكون معناها..أنت تفرق معايا
مش هاين عليا زعلك.. انا باقي عليك
اللي بينا اهم من إني اكون
على حق واخسرك.
مش بالضروره ابدا تكون إعتراف بالخطأ
ولا معناها إعتذار عن غلطي في حقك
معني أبعد واكبر من الكلمه بنطيب بيها
خاطر اللي ادامنا ونمسح على قلبه
لأننا منقدرش على وجعه.. و وجوده
في حياتنا أهم وأكبر من إني أسجل
عليه نقطه او أثبت موقف.

تكون على حق وتخسرهم !!
ولا تكسبهم وتعيش سعيد؟؟

*إنك تحب ده شئ جميل
إنك تعبر عن الحب وتوصله
لكل اللى حواليك
بكلمه..بحضن..بأبتسامه.. بموقف
بسؤالك.. بحضورك..بمساندتك
ده شئ رااائع.
ماتستخسرش وقتك ولا مجهودك
ماتسيبش حد بيحبك يبات مكسور
ولا تستكبر تطيب خاطر حد زعلان
اللى اشترى خاطرك اوعى تفرط فيه
واللي جه على نفسه ووقته علشانك
قدره وخليه يشعر إن عطائه كان
في محله..وزيده.

*أوقات كل اللى بنحتاجه كلمه حلوه
نراضي بيها بعض ونطبطب على قلوب
بعض في أي وقت.. وكل وقت
ده إحنا في الأساس ديننا
دين محبه وسلام وكل فعل طيب لنا
فيه أجر..جددوا بالمحبه عهودكم
دمتم محبين.. محبوبين

“وَاخْفِضْ جَنَاحَكَ لِلْمُؤْمِنِينَ”

“ولا تنسوا الفضل بينكم”

“‏إن للهِ مسافات لا تقطعُ بالأقدام
وإنما تقطَع بالقُلوب”

* الامام علي ❤️