كنافه بالكريمة والمكسرات مقدمة من شرين علي

كنافه بالكريمة والمكسرات
مقدمة من شرين على
مدة التحضير 30 دقيقة
مدة الطهى 35 دقيقة
مقاس الصينيه 29سم
المقادير
500 جم كنافه
200 جم سمنه
200 ج مكسرات
مقادير الكريمه
500 جم حليب
45 جم نشا
50 جم ميه علشان النشا يدوب فيها
الطريقه
-نفكك الكنافه ونهيشها ونقطعها بطول 5 الى 6 سم ونقسمها نصفين
ندهن الصينيه بالسمنه ونوزع نصف الكميه فى الصينيه فى سمك واحد ونجيب صنية اصغر ونضغط على الكنافة ونضع عليها حاجة تقيلة لمدة نصف ساعة تقريبا ونعمل الكريمه ونفردها على طبقه الكنافه من غير ما تصل على الاطراف
انا هنا عملت الصنية نصفين مكسرات وكريمة
-ونضع باقى الكنافه ونوزعها بارتفاع واحد ونضغط عليها بسيط ونحط السمنه الساخنه عليهاونسيبها نصف ساعة وعليها تقل خفيف وبعدين ندخلها الفرن على 180 درجه لمده 30 الى 35 دقيقه ولما تخرج نصفيها خالص من السمنة الزيادة ونسقيها بالسيرب الدافى
4-الشربات بنتحكم فيه لو تقيل بتكون الكنافه كرسبى اكتر
ولو خفيف بتكون طرية وكل سنة وحضراتكم طيبين
مقادير الشربات
400 ج سكر
200 جم ماية
50 عسل جلوكوز
ذرة ملح ليمون
رئيس قسم المطبخ أ / جيهان جعفر