كنافة بالچيلى مقدمه من شيف نشوي

كنافة بالچيلى

مقدمه من شيف نشوي

المكونات

مقادير العسل
250 جرام سكر مايعادل 1 ونص كوب
240 جرام مايه مايعادل 1 كوب
معلقة كبيرة عسل جلوكوز
رشه ملح ليمون
مقادير الكنافة
250 جرام كنافة
100 جرام سمنه مايعادل نص كوب
معلقة كبيرة سكر بودرة
مقادير الكريمه
125 جرام كريم شانتيه مايعادل كوب
80 جرام كريم باسترى مايعادل نص كوب
240 جرام مايه مثلجة مايعادل كوب
مقادير الچيلى
2 علبه چيلى
1 معلقة چيلاتين
30 جرام مايه مايعادل 4 ملاعق
2 كوب مايه

أول حاجة نحضر العسل
▪️نحط السكر والمايه وعسل الجلوكوز على النار ونقلبهم واول مايغلى نحط رشه ملح ليمون او عصير ليمون ونسيبه 5 دقايق ونطفى عليه ونسيبه على جانب يبرد
تانى حاجة نحضر الكنافة
▪️نجيب الكنافة من الفريزر ونكسرها كويس ونحط السكر
▪️وبعد كدة نحط السمنه ونقلبها كويس جدا
▪️بعد كدة نحضر صينيه مقاس 28 ونحط فيها نص معلقة سمنه ونوزعها فى الارضيه
▪️بعد كدة نحط الكنافة ونكبسها كويس
▪️تدخل على درجة حرارة 200 لمدة 20 دقيقة
▪️تطلع من الفرن تاخد العسل البارد
ثالث حاجة نحضر الكريمه
▪️نحط المايه المثلجة وكريم شانتيه والكريم باسترى ونضربهم مع بعض كويس جدا
▪️بعد ما الكنافة تبرد نفرد الكريمه عليها ونقفل على الجوانب كويس جدا
▪️نقطع الموز حلقات ونحطها على وش الكريمه ونضغط عليها كويس بحيث انها تمسك فى الكريمه
▪️تدخل التلاجة لمدة ساعة
رابع حاجة نحضر الچيلى
▪️نحط المايه على الچيلاتين ونقلبهم وبعد كدة نتركهم على جانب
▪️نحط كوب مايه مع 2 باكت جيلى ومعلقة كبيرة سكر ونرفعها على النار حتى الغليان
▪️نسيح الچيلاتين فى الميكروويف أو بخار المايه
▪️وبعد كدة نحط كوب مايه ساقع على الچيلى وبعد كدة نحط الچيلاتين ونقلبهم مع بعض كويس ونسيبهم على جانب يبرد
▪️نطلع الكنافة من التلاجة ونحط الچيلى عليها براحة وتدخل التلاجة تانى لمدة ساعتين
والف هنا

رئيس قسم المطبخ أ سمسمه سعد

تابع ايضاالجلاش بالمكسرات مقدم من شيف عبير البيان 

تابع ايضاالبيتى فور مقدمه من شيف شوشو عرابي

تابع ايضافراخ فليه مع رز ابيض وخضار سوتيه مقدمه من شيف مني جوده