كنافه بالكريمه والمانجومقدم من شيماء زهران
كنافه بالكريمه والمانجو
مقدم من شيماء زهران
المكونات
نصف كيلو كنافه
نصف كوب زبده سايحه
نصف كوب سيرب
علبة كريمة خفق ٢٠٠ جرام
٢ باكو كريم شانتيه
٤ ملاعق كبيره باستري بودره
ملعقتين كبار او ٣ سكر بودره
نصف كوب ماء مثلج
الطريقه
نحضر صينيه وندهنها زبده بسيط
ونفرفت الكنافه جبداونضعها في الصينيه
بدون اي مواد دهنيه تانيه
وندخلها فرن سخن علي ١٨٠
لمده ١٠ دقايق علشان الرطوبه اللي في الكنافه تخرج
ونطلع الكتافه ونديها النص كوب زبده سايحه ونقلبها ولو في حاجه مكلكعه نضفط بمعلقه خشبه عليها علشان تفرفت وندخلها الفرن تاني ربع ساعه ونطلعها
نقلبها وندخلها تاني لحد لما كلها يبقي لونها دهبي وجميل نطلعها ونسبها تبرد تماما
السيرب
كوب ونص سكر علي كوب الا ربع مياه يغلوا دون تقليب نعصر عصرة ليمون و ٤ دقايق علي نار هاديه ونقفل ونسيبه يبرد
المانجو بما انها لسه مبقتش حلوه
ممكن نقطعها ونضع عليها ٣ ملاعق سيرب علشان تشرب من السكر وتسكر شويه
الكريمة
نصع كريمة الخفق البارده جدا فطبق عميق
وعليها بودرة الكريم شانتيه والباستري كريم
والسكر البودره ونصف كوب ماء مثلج
ونضربهم كلهم مع بعض جيدا
لحد اما تبقي كريمه معانا قوامها تقيل وحلو
طريقة الطبق
نص كمية الكنافه عليها من فوق ملعقتين سيرب
وطبقة كريمه وشوية مانجو وكام قطعه كريز متقطع اربع ووزعته علي الاطراف علشان يدي الوان حلوه
و نص الكنافه الباقي
واوزع عليها ملعقتين سيرب
وطبقة كريمة بوزعها بكيس الحلواني افضل علشان تكون متساويه
واضع المانجو في النص
واعمل وردات كريمه علي الاطراف
وازين بانصاف كريز وفستق مفروم
ولو عندك جيلي تلميع هاتي معلقه كبيره وعليها ٣ ملاعق كبيره ماء مغلى ونضعهم علي النار ونقلبهم لحد لما الجيلاتين يدوب خالص وناخده علطول وهو سخن نوزعه علي المانجو
ولو مفيش ممكن نستغني عنه عادي جدا
رئيس قسم المطبخ أ / جيهان جعفر
