كنافه نصف بالقشطه الكدابه والمانجوونصف ساده مقدمه من إسلام عصفور 

مده التحضير 10دقايق

مده الطهى من 10دقايق إلى 20 دقيقه

المكونات

نصف كيلو كنافه متفرزه

سمنه بلدى على حسب الحاجه

واحده مانجا نصفها مقطع شرائح ونصف قطع صغيره

القشطه الكدابه

2كوب  حليب

2ملعقه كبيره نشا

2ملعقه كبيره قشطه  (لو موجوده )

الشربات

2كوب سكر

واحد ونصف كوب ماء

عصير نصف ليمونه

ملعقه صغيره فانيليا

2 عود قرنفل  (إختيارى )

الطريقه

أول خطوه نعمل القشطه الكدابه والشربات

نطلع الكنافه من الفريزر نفتتها وهى مجمده وتكون ناعمه

ونضع عليها السمنه وتكون دافيه شويه ونقلبها مع الكنافه وياريت نزود مقدار السمنه علشان تطلع مظبوطه وتكون سمنه بلدى هتفرق كتير فى الطعم

ونضع الكنافه فى الصينيه ونضغط عليها بإيدينا نحضر صينيه مقاس أصغر ونضغط بيها على الكنافه جيدا  ونضعها فى الفرن على نار متوسطة لما القعر يتحمر والجوانب نولع الشوايه الوجه يتحمر ونطلعها وهى سخنه نسقيها نصف الشربات وتترك 5 دقايق ونقلبها ونسقيها باقى الشربات وتبرد نضع قطع المانجا مع القشطه الكدابه ونقلبها ونضعها على نصف الكنافه ونضع شرايح المانجا على الوجه ونترك النص التانى ساده وممكن نضع القشطه فى النصف نضع نصف الكنافه فى الصينيه ونضع القشطه الكدابه مع قطع المانجا ونغطى بباقى الكنافه

القشطه الكدابه

نقلب الحليب والنشا على البارد والقشطه ونضعه على النار لما يبتدى يتقل نطفى عليه وتبرد نضعها مع الكنافه

الشربات

نضع السكر والماء على النار يغلو 5دقايق نضيف عصير الليمون ويغلو 5دقايق نضيف الفانيليا والقرنفل ونطفى عليه

ملحوظه  (القشطه نعملها بدون إضافه سكر الشربات هيحليها)

رئيس قسم المطبخ أ / جيهان جعفر