كنت أعشق … بقلم / جمال القاضي
كنت أعشق
جمال القاضي
قالوا عنك بالكلام
الأم دي مدرسه
وقلت أنت بقلبي
زي مأنت
وفي حياتي مدرسه
أعشق فصولها
وأعشق كمان حضنها
صوتها وحنانها
وكل حاجه فيها
قلبي حبها
لكن مات الحنان
من بعدها
كنت أحب دايما قربها
وكنت أعشق
أشوف الضحكه
ماليه وشها
فاكر زمان عنك
كل حاجه
فاكر دمعة عيونك
ولما شوفتها
كان سيف يقطع بقلبي
وعني دايما كانت
قاصده تخبي حزنها
مات الحنان بعدها
كنت أشوفها لما تضحك
قلبي يضحك زيها
سهرانه ليلها وأنا
زي طفل
نايم بحضنها
تحكي الحكاوي
وإبيدها على جسمي
أحس بحنانها ودفئها
أنام وأحلم بعدها
المزيد من المشاركات
كأني في جنه
وأنا معاها
وبين إيديها أحس قلبي
ورده ضعيفه بتتروي
من حنان قلبها
لكن مات الحنان بعدها
مش غريب لما قالوا
الأم دي مدرسه
وصدقوا بكلامها
وأنا قلت أنت
فصل بكتاب حياتي
ودروس من حنانك
كنت إتعلمتها
أتعلمت أسامح
إتعلمت معنى للحنان منها
وكل حاجه حلوه منك
ومن فصل الحياه
ال بقلبك منك حفظتها
غايبه وحاضر بقلبي
ذكرياتك ولاعمري
عن نفسي أنسى فضلها
باقيه مهما الجسد
عن عيوني إختفى
وروحك بكل الأماكن
رغم إنك تحت التراب
في قلبي وفي حياتي
باقيه أنت شيء جميل
جوه قلبي
وذكرى حلوه عشقتها
بحبك ياأمي
ياريت كنت عايشه
ولكلمة بحبك
ومني تاني تسمعيها
جمال القاضي
التعليقات مغلقة.