كنوز الذكر والدعاء مصطفى حسني
كنوز الذكر والدعاء…
بقلم… مصطفى حسني
مش لازم نستنى إن الأزمة تحصل فندعي بأدعية كشف البلاء.. إنما النبي ﷺ كان يُكثر من دعاء وسؤال الله الحفظ من تقلبات الزمان والفتن والمِحن اللي قد تكون محتملة وممكن الإنسان يقابلها
فكان ﷺ يُكثر..”اللهم إني أعوذ بك من الهم والحزن ومن العجز والكسل، وأعوذ بك من الجُبن والبُخل ومن غلبة الدين وقهر الرجال”
“اللهم إني أعوذ بك من الهم والحزن”.. الهم هو ضيق بيصيب الإنسان علشان مخاوف في المستقبل.. والحزن هو ضيق بيصيب الإنسان علشان حاجات حصلت في الماضي
“وأعوذ بك من العجز والكسل”.. العجز هو فقدان القدرة وأصعبه فقدان القدرة قبل المحاولة.. بيسموه العجز المبدأي.. والكسل هو فقدان المحفزات للتعب والبذل والتضحية
“وأعوذ بك من الجبن والبُخل”.. غالبًا البُخل بييجي بسبب البُخل.. يعني أنا بخيل في الإنفاق علشان أنا جبان خايف من بكره فخل يالفلوس معايا ماطلعهاش.. والجُبن والبُخل بيوقفوا أغلب الأخلاق
“وأعوذ بك من غلبة الدين وقهر الرجال”.. ممكن الإنسان يحتاج في أوقات يستدين ومايعرفش يرد.. وتتراكم عليه الديون بسبب أزمات طاحنة.. فيغلبه الدين.. يغلب سعيه ويغلب رزقه ويغلب دخله.. مش قادر.. فيحصله قهر.. إن الدين اللي عليه يخليه يحتاج لإنسان لئيم يذله أو يخليه يلجأ إنه يتنازل عن مبادئه.. أو يخليه عايش مذلول ودايمًا خايف من بكره وخايف إنه يتئذي..
