كوني انتي الدافع لنفسك

 

كوني قوية بذاتك متنتظريش تستمدي قوتك من حد
خلي دايما مصدر قوتك من جواكي .. خليكي انتي المنبع
خليكي مصنع للطاقة الايجابية مش ليكي وبس لا ولكل اللي حواليكي كمان

وزعي جمالك على كل اللي حواليكي

_لو انتتظرتي السعادة من اشخاص .. هتفضلي كل عمرك مستنية

_ خليكي دايما فاعل واوعي تكوني مفعول به اوعي تستسلمي

_متستنيش المجتمع ينصفك او شخص يقدرك لو انتي محستيش بنفسك وقدرتيها
_طول مانتي ماشية صح اوعي تشغلي نفسك بكلام الناس

الناس بتتكلم عن الناجح اكتر من الفاشل

_ربنا رزقك بقوة جبارة اسمهت (الارادة) استخدميها .. عيشي بيها.. اوعي تستهوني بارادتك

#واوعي_تتكسري…
الست زي الزجاج لو اتكسرت مستحيل تتصلح واللي يقرب منها هيتجرح
بلاش تكوني منفرة لكل اللي حواليكي .. متكونيش فظة في كلامك
خليكي زي الزهور الناس تحب تقربلك علشان تستمتع بشذاكي واوعي تسيبي نفسك تدبل

#اوعي_تركعي …
اوعي تركعي غير لربنا وانتي بتصلي

_بلاش تكوني ضعيفة او تشتكي او ترمي ذنب مشكلتك على غيرك

لو الوقت اللي بتشتكي فيه دا استفدتي بيه لحل مشكلتك وتصليح وضعك كان زمانك افضل كتير

__اوعي تامني بان في #مستحيل ..

لو في مستحيل مكانتش الستات تقدر تولد وتتحمل الالم

#بلاش_تستسلمي .
. صمودك دا هو معنى بقائك

__اوعي تجري ورا فكرة الجواز وتحسي ان التاخير دا هو نهاية العالم وتبداي تتنازلي… لالالالا سيبي مميزاتك انتي هي تكون سفيرك في عيون الناس

#بلاش_تتجملي ..
خليكي جميلة بجد من جوا قبل برا

#بلاش تامني لكل اللي حواليكي وخليكي حذرة
كوني زي المقولة دي ((القوا بها بين الذئاب .. فعادت تقود القطيع)

#الطموح …

الطموح هو السر وراء النجاح ..

#احلمي.. احلمي كتير انك تكوني افضل لو مقدرتيش تحققي حلمك فعلى الاقل هتكوني افضل من وضعك الحالي

#اتعلمي .. اتعلمي وادرسي كل حاجة .. اي حاجة حباها اتعلميها في النهاية هتكون عندك حصيلة ممتازة من المعلومات ومش هتسلمي نفسك للافكار السلبية

كوني دايما واثقة في قدراتك .. ربنا مخلقش حد بدون مميزات
دوري تقدري تبدعي وتتالقي ف ايه وابداي

___ شوفي نفسك حلوة … ايا كان شكلك حتي لو حد قالك انك وحشة (والناس اللي بتصدر طاقة سلبية دي كتير اوي ما شاء الله ههههه)

#على_فكرة…
_ثقتك بنفسك بتزود جمالك .. لو فكرتي تقارني بين بنتين
واحدة جميلة لكن شخصيتها مهزوزة ومش واثقة في نفسها
_والتانية مش على نفس القدر من الجمال لكن قوية وواثقة من قدراتها وبتتكلم بكل ثقة .. صدقيني هتحبي تتعاملي مع الانسانة القوية لانك هتستقوي بيها

_انتي لو شفتي نفسك جميلة هتدي الانطباع دا لكل الناس وبالتالي كلهم هيشوفوكي جميلة

_ حبي نفسك وخلي ليكي وقت خاص بيكي .. اشربي قهوة .. كلي شيكولاته .. اقري في كتاب بتحبيه اشحني طاقتك بمعنى اصح

__ #افرضي احترامك على كل الناس .. خلي اي حد بتتعاملي معاه يعمل حساب للكلام معاكي
مش معنى كدة انك تكوني سخيفة في التعامل.. لالا خالص خليكي وسطية محبوبة لكن ليكي هيبة

_ #حبي شكلك وجسمك ايا كان وضعه المهم تختاري اللي يناسبك من لبس وميكاب بلاش تجري ورا الموضة( وبلاش مقطع والنبي بلاش تلبسي مقطع )
خليكي رقيقة في نفسك كدة

#حبيبتي خليكي قوية بنفسك ..بمشاعرك ..بقلبك ..بعاطفتك

#اوعي تحاولي تكوني نسخة من حد .. لكن خليكي النسخة الافضل من نفسك

_ وفي وسط العالم المرهق دا ..

اوعي تستسلمي لحزنك … الحزن دا سم طويل المفعول لو استمر هيقضي عليكي
اطلعي من حزنك وانسي اي حد جرحك

انتي جميلة .. متخليش حد ينسيكي دا
استقوي بربنا وبنفسك
#كل_اللي_فات_دا_هتعمليه_ازاي ؟؟؟

#علاقتك_بربنا

هو دا السر

هي الاساس قربي من ربنا على قد ما تقدري هيسهلك الصعب هيجملك كل قبيح
هيخرجك من اي مشكلة
( ومن يتقي الله يجعل له مخرجا )
صدق الله العظيم

__ ربنا اللي خلقك وكرمك .. اوعي تنسي دا
وتسيبي حاجة تهزمك