كيكه الشكولاته فى الخلاط
مقدمه من شيف عبير سيد
مده التحضير: 15دقيقه
مده الطهى 40 دقيقه
اسم الشيف/عبير سيد
المقادير
2كوب دقيق
كوب وربع سكر
كوب لبن
نصف كوب زيت
3بيضات
2معلقه كبيره كاكاو خام اسبانى
كيس بكنج بودر او معلقه كبيره
معلقه صغيره فانيليا
2معلقه كبيره خل ابيض
الطريقه
اولا ننخل الدقيق مع البكنج بودر والكاكاو كويس جدا
بعد كده نضع فى الخلاط البيض والفانيليا والزيت والسكر واللبن ونضربهم مع بعض كويس بعد كده نضيف الخليط على الدقيق ونقلبهم مع بعض كويس واخر حاجه ننزل بالخل مهم جدا اضافه الخل اخر حاجه علشان هو اللى بيخلى الكيك هاش جدا ننزل بالخليط فى صاج مقاس 30*40 او اكبر صنيه مستطيله عندك نفرد الخليط كويس فى الصاج وندخله الفرن ساخن مسبقا فى الرف اللى فوق لمده 40 دقيقه بعد ما تخرج من الفرن نسبها تبرد خالص بعد كده نسقيها بكوب اللبن ونفرد عليها الكريم شانته وصوص الشكولاته وندخلها الثلاجه لمده ساعتين
وتطلعيها تقطعيها زى ما انتى عايزه
لسقى الكيك
كوب لبن 200مللى
لعمل صوص الشكولاته
كوب الا ربع لبن
نصف كوب سكر
نصف كوب كاكاوخام اسبانى
ربع كوب زيت يكون نوعه كويس
نقلب كل المقادير مع بعضها ونحطها على النار مع التقليب المستمر واول ما تدخل فى الغليان نطفى النار ونسبها ترد خالص
لعمل الكريم شانتيه
125 جرام كريم شانتيه
2معلقه كبيره سكر بودر
نصف معلقه صغيره كاكاو خام
كوب وربع ميه ساقعه
نضرب كل المقادير بالمضرب الكهربائى لحد ما الكريم شانتيه قوامه يتقل معانا
والف هنا
الشوكولاتة تغذوياً لا ينظر لها كمحتوى من الكاكاو وفقط ، وانما هي عبارة عن دهون وسكريات وبروتينا توكافيين بالاضافة الى العديد من المعادن ومضادات الاكسدة، وكم لا بأس به من السعرات الحرارية، وبالطبع لا يمكن أن ننكر مجموعة الفوائد الصحية الناتجة عن استهلاك منتجات الكاكاو، وخاصة فيما يتعلق بأمراض القلب والأوعية الدموية،ومع ذلك، فإن الفوائد الصحية المحتملة لبعض المركبات في الشوكولاتة يجب أن تأخذ بعين الاعتبار مكونات الشوكولاتة كل
فالشوكولاتة هي أحد الاغذية الغنية بالطاقة والتي يمكن أن تساهم في زيادة الوزن وارتفاع خطر الاصابة بالامراض المرتبطة بالسمنة اذا ما لم يتم ضبط تناولها ، وقد تكون مصدر الدهون المشبعه والكولسترول في كثير من الاحيان وخاصة بأن مصدر هذه الدهون المشبعة قد يأتي من الحليب المستخدم في صنعها. الا انه على عكس ذلك يمكن أن تكون الشوكولاته جزءا من نظام غذائي صحي ، اذا ما حسبت الحصة المسموحة منها تبعا لحالة من سيتناولها.
رئيس قسم المطبخ سمسمه سعد
تابع ايضاطريقه عمل تشكن بانيه مقدمه من شيف رضا الموافي
تابع ايضاطريقه عمل البراونيز الأصلية مقدم من شيف منى قاسم