: كيكه شوكلت بصوص الشوكلت مقدمه من شيف ندي فاروق
صباح الهنا اسرع واحلي كيك بصوص الشوكلت بطريقه ومقادير بسيطه والصوره تتحدث عن الطعم
اسم الوصفه: كيكه شوكلت بصوص الشوكلت
مقدمه من شيف ندي فاروق
وقت التحضير : 10دقيقه
وقت السواه 40 دقيقه
المقادير
3بيضات
معلقه صغيره فانيليا
كوب الاربع من الاتي
سكر ولبن وزيت
كوب ونص دقيق
باكو بيكنج بودر
3 معالق كبار كاكاو خام غامق مش فاتح ومن العطار
الصوص
3 معالق كاكاو خام غامق
ربع كوب من كل من الاتي
سكر لبن زيت
الطريقه
في الخلاط نضع البيض والفانيليا يتخلطوا ننزل بالسكر ثم الزيت مثلا الخيط يعني ننزل بالزيت خيط رفيع علي المكونات والخلاط شاغل ثم اللبن يتخلط معهم 5 دقايق
وفي بوله نخلط الدقيق مع بيكنج بودر والكاكاو وننزل بالخليط اللي في الخلاط ونقلب كويس وياريت لو التقليب يبقا مثلا الرب بتفرق في قوام الكيك جدااااا ونستمر في التقليب في اتجاه واحد لحد ما كل المكونات تتخلط ببعض ننزل بالخليط في صينيه مقاس 28 ومدهونه ماده دهنيه
وتتدخل فرن ساخن علي 180 علي الرف الوسط
لمده 40 دقيقه لم تخرج نغطيها تبرد وتزين بالصوص الرائع اللي استخدامتها مالهاش حدود
طريقه الصوص
كل المكونات في الخلاط حتي تغلظ قوام الصوص
ملوحظات
#الفرن سخن قبل دخول الكيكه 10 دقايق فقط
علشان الكيك ميبقاش ناشف ووشه مشقق
#متفتحيش الفرن قبل 35 دقيقه بحيث الكيكه يكون اخد السواه وميهبطش
#ليه كاكاو دراك الغامق مش الفاتح هتعرفي وانتي بتأكلي الكيك طعمه تحفه وغير الفاتح خالص
#الكيك ده ينفع كيكه كيت كات نفس الطريقه بس هتزيني الجانب بشوكلت كيت كات وتربطي بشريط وعلي الوش شوكلت اي نوع تحبي
وبكدا هتبقا كيك الكيت كات اللي بنشتريها غاليه جداا وطعمه والله احلي بره
