كيك بالجيلي
مقدم من شيف مروة الجزار
مدة التجهيز ٥من الساعات
مدة الطهي ٣٠دقيقة
اي كيك فانيليا معتمداها عندك بس هقولك عملتها ازاي
كوب ونص دقيق
كوب سكر عادي
5بيضات +فانيليا+بشر ليمون +معلقة خل صغيورة ولو عندك محسن كيك جل حطي معلقة صغيورة
معلقة كبيرة بيكنج بودر.
رشة ملح.
هتضربي البيض بالفانيليا الاول لحد ما يعلي معاكي ويعمل فوم هتنزلي بالسكر وتضربي كويس جدا.
هتنخلي الدقيق بالبيكنج بودر وتنزلي حبة بحبة علي الخليط المخفوق وخلي بالك قلبي من تحت لفوق عشان الهوا ميخرجش من العجين لحد ما الدقيق يختلط جدا والخليط يتجانس.
هتحضري صينية مقاس 24او 22وتبطنيها بالدقيق والسمن وتنزلي الخليط بالراحة فيها وعلي فرن 180لحد ما تستوي.
هتخرجيها تبرد خالصصصصصصصص وتغسلي الصينية وتكوني مدوبة كيس جيلي بكوباية ماية مغلية فقط والكيك في الفرن هتقطعي شرايح فراولة وتنزليها مكان الكيك في الصينية وتصبي الجيلي عليه بالمعلقة واحدة واحدة وهنزل صورة بالتعليقات بتوضح وجري علي التلاجة لمدة 10دقايق لحد ما الجيلي يمسك.
هتطلعي الصينية وتنزلي بالكيك بعد ما برد خالصصصصصصص وتكوني مدوبة 4بواكي جيلي في 4كوبايات ماية مغلية وبردوا تسيبيه يبرد ووتصبيه فوق الكيك وفي الفراغات الي ظاهرة من الصينية بالمغرفة واحدة واحدة وعلي التلاجة مش اقل من 4ساعات لحد ما الجيلي يمسك تماما.
الخطوة المهمة بقه ازاي تقلبي الصينية هتمسكيها وعلي عين البوتجاز يدوب ثواني تمشي الصينية من بعيد يدوب الحرارة توصل للصينية وتقلبيها في طبق التقديم وبالف هنا وشفا
جربووووووها وان شاء الله هتعجبكم جدااااااااا.
ملحوظة انا دوبت كيسين جيلي بس بدل الاربعة وانتي راحتك هيا بتطلع لونها كله احمرررررر
رئيس قسم المطبخ
اسماء عزازي
وسمسمة سعد
