كتبت سمسمه سعد
مدة التحضير ٢٠ دقيقة
مدة الطهى ٢٠ دقيقة
اولا مكونات الكيك
٢ كوب دقيق
كوب الاربع سكر
نصف كوب كاكاو خام
نصف كوب حليب وممكن يبقى اكتر حسب الدقيق وحجم البيض ممكن نزود حليب لو احتاجنا او ماء
ربع كوب زيت
٣بيضات كبار ولو البيض صغير نخليهم ٤
٢ كيس فانليا
١ ملعقة كبيره بيكنج بودر
املعقة كبيرة خل
رشة ملح
الطريقة
نضيف البيض مع الفانيليا السكر والزيت والخل ونضرب جيدا فى الخلاط او بالمضرب و نضيف الحليب ونقلبهم مع بعض
ونخلط الدقيق مع رشة الملح والبيكنج بودر والكاكاو وننخلهم جيدا مع بعض وننزل عليهم بالخليط المضروب ونقلب حتى نحصل على قوام الكيك ولو احتاجت الخليط اضافة سوائل ممكن نضيف ماء او حليب لحين الحصول على القوام اللى فى الصوره ونجيب الصوانى اللى نحب نعمل فيها وندهنها زيت ونضع الخليط وندخله فرن على درجة حراره ١٨٠°لمدة ٢٠ دقيقة
ثانيا صوص الشيكولاته
كوب ونصف حليب مغلى
٣ ملاعق كاكاو
مكعب شيكولاته او ٣ ملاعق شيكولاته مبشورة
١ ملعقة كريم شانيه بودره
١ ملعقة زيت
الطريقة
نضع الحليب وعليه الكريمه والكاكاو ونضعه على النار مع التقليب حتى يغلى ثم ننزل عليه بالشيكولاته تسيح مع الخليط وتتجانس نطفى النار ونضيف ملعقة الزيت ونقلب يترك يبرد
ثالثا السيرب بتاع الكيك
كوب الاربع ماء مغلى
ملعقة كبيرة سكر
ملعقة صغيره قهوة سريعة الذوبان
٣ ملاعق من صوص الشيكولاته اللى عملته
الطريقة
السكر والقهوه ونضع عليها الماء ونقلب وننزل بصوص الشيكولاته واول ماتطلع الكيك نخرمها بخله او بشوكه ونسقيها على طول ونسيبها تشرب السيرب بتاعها
رابعا الكريمة
كوب كريمه بودره شانتيه ولو لبانى بودره هنضيف سكر بودره
كوب الاربع حليب او ماء مثلج او خليط منهم
مقدار من صوص الشيكولاته على حسب ماتحبوا طعم الشيكولاته بس لازم نسبب شويه للتزين
الطريقة
نضرب الكريمة مع الحليب المثلج حتى تعطى القوام ثم ننزل بصوص الشيكولاته ونقلب ولو الكريمه من غير سكر نضع سكر بودره
تركيب الكيك عشان تدينا الشكل ده
بعد ما الكيك بتشرب السيرب بننزل بالكريمه ونساويها وننزل بالباقى من صوص الشيكولاته على شكل خطوط طوليه متباعده ونجيب خله ونسحب الخطوط رايح جاى وتوضع فى التلاجه حوالى ٣ او ٤ ساعات وبس خلاص
وبألف هنا
رئيس قسم المطبخ أ سمسمه سعد
واسماء عزازي