لاول مرة رسالة مفاجاة من رشا الجندي لجمهورها
قامت الإعلامية والكاتبة الدكتورة رشا الجندي والملقبة باصغر دكتورة بمصر، بنشر رسالة مفاجاة باللهجة العامية المصرية لجمهورها وكان نصها كالآتي:
لأول مرة هاكتبلكم كلام باللغة العامية ولكن اتمنى ان هدفي من كلامي ده يوصل:
الدكتور النفسي مش ملاك ولكن هو انسان بيكتشف الحياة بالمواقف اللي بيمر بيها، له مشاعر وأحاسيس يعني بيفرح وبيحزن عادي زي اَي حد تاني.. الفرق الوحيد انه ممكن يكون دكتور ربنا أهداه الحكمة بدري وممكن بحكم تخصصه بيكون رد فعله بسيط اوي بالنسبة لأمور الاخرين بيشوفوها كبيرة والعكس.. وعشان يُستقبل مشكلتك فلازم في وقت هو مستعد فيه نفسياً لاستقبال مشاكلك ومساعدتك، يعني مش طول الوقت هو متاح.. وعشان هو يكون دكتور ناجح فلازم يكون في حياته من هم بمثابة دكتور نفسي له هو شخصياً.. مش سهل أبداً ان حد يعرف يحتوي دكتور نفسي وعشان كده هو ممكن يعاني اكتر من اَي حد في حياته الخاصة .. فماتزعلوش مني اذا إني مصدر سعادة وطاقة إيجابية ليكم ولكن بعيدة لفترة عن احتواء كم المشاكل الكبيرة اللي بتوصلني.. مش استهتار أبداً بثقتكم فيا ولا بمشاكلكم ولكن افتكروا اني انسان وباذن الله راجعلكم قريب.. بس ماتنسوش ان كتبي وبوستاتي اليومية هي مرجعكم النفسي اللي دايماً اقول اللهم اجعله علم ينتفع به حتى بعد ما اموت.. انا بحاول انقلكم خلاصة خبرتي اليومية في التعمق في الحياة والبشر والمواقف ومش بكتبلكم كلام كده وخلاص..
فماتزعلوش بس اصبروا شوية
#رشا_الجندي #علم_نفس_الواقع
