“لبلبة” تكشف كواليس تكريمها فى مهرجان القاهرة السينمائى ال44
كتب_أمجد زاهر
قالت النجمة لبلبة فى لقاء لها مع الإعلامي رامي رضوان، في برنامجه مساء DMC.
وذلك على هامش فعاليات حفل ختام الدورة الـ 44 من مهرجان القاهرة السينمائي، عن لحظة تكريمها
: كان فيه صدق لما طلعت أقابل الناس ومكنتش مرتبة هقول إيه، واللي حسيته قولته،
ولما بدأت أتكلم على والدتي ولقيت الجمهور تأثر وعنيهم دمعت قُلت مش ممكن أسيبهم في دموع على عنيهم،
فحبيت أضحكهم فحكيت لما ماما كانت في السينما وحست بوجع الولادة، وقدرت أسيب ليهم ابتسامة،
وده مكنش في الحسبان حتى الأستاذ حسين كان بيضحك أوي.
“لبلبة” تكشف كواليس تكريمها فى مهرجان القاهرة السينمائى ال44
وتابعت: إحساسي لما عرفت إني هتكرم في مهرجان القاهرة السينمائي،
كنت مبسوطة أوي لأن قابلوني بشكل جميل جدًا وأنا مش ممكن أنسى أبدًا الأيام الحلوة دي بتاعة المهرجان،
وكنت بتمنى نجاح المهرجان، وفعلًا المهرجان نجح والناس كلها مبسوطة ومستوى الأفلام عظيم جدًا وفيه نظام جميل،
ويا خسارة المهرجان النهاردة آخر يوم وهيوحشنا.
النجمة لبلبة ومسيرتها الفنية
كما تحدثت الفنانة لبلبة، عن سر استمرار مسيرتها الفنية منذ الصغر حتى يومنا هذا،
قائلة: سر استمرار مسيرتي الفنية إني حبيت الفن واتعودت عليه، وخيروني بين إني هكمل ولا لأ وأنا كنت عايزة أكمل،
وفيه حاجة عملتها والدتي في سن مُحير كنت 14 سنة وعملت أفلام، ومخلتنيش أبعد عن السينما وخلتني الناس شايفاني باستمرار ومتعودة عليا.
النجمة لبلبة وعلاقتها بجمهورها
تأثرت الفنانة لبلبة أثناء حديثها عن الجمهور وكيفية استقباله له في أعمالها الفنية،
وايضا علقت لبلبة باكية: الجمهور رباني وكبرت مع أولاده، أنا مستغربة إن السنين دي كلها عدت بسرعة وكبرت وبقيت كده
وأنا كنت طفلة ومش قادرة أتخيل إن السنين دي كلها عدت بسرعة، زي الأم مهما ولادها كبروا بردو بتشوفهم صغيرين.
