البنت دي وحشه
مفيش بنت وحشه بس في بنت بتهتم بنفسها وبنت مبتهتمش هتقوليلي اهتم ازاي وسط كل الزحمه اللي في حياتي دي ..
بسيطه شويه حاجات بسيطه كل يوم هتفرق معاكي بجد.
زي مثلا…
اول ما تصحي من النوم اشربي ميا كفايه منها هنخس ومنها عشان صحتك. وبلاش نحط مكياج كتير ثقي انك حلوة من غير حاجه. امسحي بشرتك الصبح بمياه ورد بعد ما تغسليها مش هتضطري تحطي مكياج ولو شفايفك مقشره سكربت سكر وعسل وحطي علي شفايفك وحركيه حركه دائريه ولما ينشف افركي وحطي زبده كاكاو هتفرق معاكي كتيير.
نيجي بقي لما تيجي تنزلي اوعي اوعي اوعي تحطي مرطب علي بشرتك في الشمس هتسمري وهتعرقي ووشك هيبقي بهتان لو عايزة تحطي حطي صن بلوك عشان تحمي بشرتك من الشمس.
وبما اننا في الخريف اختاري الوان هاديه ودافيه لملابسك بلاش الوان اوفر وخاصه لو في كليه
وطبعا مش هقولك اهم حاجه في شنطتك وايبس او مناديل ولبان بالنعناع، ومتنسيش مزيل العرق قبل ما تنزلي تاخدي شور وتحطي مزيل رائحه العرق عشان الروايح تبقي ريحتك حلوة وخلي بالك يكون مزيل لرائحة العرق مش مزيل عرق لانه خطر لو بيوقف خروج العرق
شوفتي حاجات بسيطه هتساعدك كتير مهو الجمال مش بالسهولة دي اسرار جمال حوا مبينتهيش جمالك جواكي الجمال.. انتي
