لبنى عزت تكشف لـ أسرار المشاهير تفاصيل دورها في حكاية بالورقة والقلم وهذا رايها عند تعرض فتاة للإبتزاز
لبنى عزت تكشف لـ أسرار المشاهير تفاصيل دورها في حكاية بالورقة والقلم وهذا رايها عند تعرض فتاة للإبتزاز
حوار:مي شاهين
تشارك الفنانة لبني عزت حاليًا بمسلسل ” الا انا” في حكاية بالورقه والقلم للنجمه يسرا اللوزي وعلي الطيب،نور محمود وإخراج محمد بكير حيث حققت نجاحًا كبيرًا من قبل في مشاركتها في مسلسل ” خيط حرير” وحرصت “جريدة أسرار المشاهير” على إجراء حوار معها، لتكشف لنا فيه عن كواليس دورها في مسلسل “إلا أنا” وكيفيه ترشيحها للعمل
في البداية من رشحك للدور ؟
رشحني للدور استاذ محمد بكير، حيث شاهدني في بعض الأعمال مثل خيط حرير حيث كان يقوم بتحضير المسلسل وتواصل معي لتسكيني في العمل
ما الذي جذبك لقبول الدور؟
ما جذبني لقبول الدور هو طبيعة القصة وتسليط الضوء عليها، حيث أن بالفعل الأطفال ليس لهم ذنب في العند الذي يحدث بين الأب والأم ومشاكلهم، وبالإضافة انهم
يتزوجوا في سن صغير بدون خبره ليستطيعوا تربية أطفال، ولم يفصلوا بين مشاكلهم الشخصية واطفالهم
كيف كانت استعداداتك للدور؟
أنا حضرت الشخصية وكنت مهتمه جدًا بهذه القضية وحدث توفيق كبير الحمد لله واتمنى باقي الحلقات تعجب الناس وإن شاء الله في مفاجآت كتير في باقي الحلقات وفي حاجات وكمان إحنا عندنا المسدج مبتبقاش بتقدم السلبي بس لا في الإيجابي وكل واحد يقدر يبقي أحسن وكل واحد يقدر يغير من نفسه وكل واحد يقدر يصلح اللي باظ واتكسر مفيش حاجه اسمها اللي اتكسر مينفعش يتصلح نقدر نلحق مستقبل ولادنا كل دا هيبقي موجود في المسلسل إن شاء الله هيبقي في مفاجآت إن شاء الله أنا مبسوطة جدًا بشخصية هايدي ومبسوطة بردود الناس ومبسوطة إن الناس بجد كده متعاطفة مع البنت ومتعاطفة مع الأب وبيعارضوا فكره الرؤية إنها مش كافية سواء للأم أو للأب وكل هذه الأشياء.
كيف كانت تجربتك مع نور محمود؟
تجربتي مع نور محمود نور شخص جميل جدا جدا، وممثل شاطر جدًا ومحترم جدا، وانا بصراحه بتنبئ له بمستقبل هايل، هو في فتره قصيره جدًا عمل إعمال جميلة، وقدر يوصل الناس فدي حاجه حلوه وانا انبسطت بتجربه العمل معاه.
كيف كانت تجربتك مع المخرج محمد بكير؟
تجربتي مع محمد بكير طبعًا استاذ وسعدت جدًا بالعمل معه، ولكن اتمني له الشفاء لأنه مرض في الفتره الماضية وتعب في التصوير، وكمل إخراج المسلسل استاذ اسامه عرابي المساعد بتاع استاذ محمد بكير وهو بصراحه كمل العمل على أحسن وجه وكان قد المسؤولية وعمل مسلسل رائع وده ظاهر طبعًا من تفاعل الناس معاه.
كيف كانت كواليس التصوير؟
الكواليس كانت جميلة وكل الناس كانت لطيفة جدًا، وكل واحد مركز في عملة وعارف إنه بيقدم رسالة مهمه، وإن المسلسل بيقدم بعض الرسايل المهمه جدًا، بدأنا نعمل فكره إلا أنا بتقدم قضايا أو أشياءمهمة للناس إنها تعرفها أو تسلط الضوء عليها، مش إننا بنعمل مسلسل وبنمثل وخلاص.
كيف كانت ردود الأفعال المبدئية عن العمل وكيف استقبلتيها؟
ردود الأفعال خضتني طبعًا مبدئيًا حضنتني جدًا لإن دا مشهد واحد بس بيبن للناس قد أي المشاكل
إن الناس لما تطلع بره الحكاية تشوف الموضوع قاسي قد أي ويعني أنا متأكدة إن في ناس من الناس اللي اتفرجت استفزها الموقف إنهم اتعرضوا ليه أو هما بالفعل عملوه في أولادهم وهما مش واخدين بالهم،
ولكن لما الواحد بيطلع بره الحكاية ويشوف نفسه بيتخض فدا اللي احنا قصدينه إن الناس تشوف نفسها في مواقف زي دي وهما بيعندوا وهما مش شايفين حاجة قدامهم غير إنهم يأخدوا حقهم من بعض ويتخانقوا مع بعض ويستفزوا بعض بالأطفال وهما قد أي داسوا على حاجات وناس وولاد وأطفال ملهاش أي ذنب في المشاكل دي ولا ليهم أي علاقة بيها وطبعا اتخضيت من فكره إن شخصية هايدي استفزت فعلاً الناس ودا الحقيقه كان مطلوب ولكن بالشكل دا مكنتش متوقعه بس الحمد لله والشكر لله دا توفيق من عند ربنا
في رايك ما هو التصرف الصحيح التي يجب أن تتخذه البنت عند تعرضها للهاك او الابتزاز؟
من رأيي إذا تعرضت بنت للابتزاز أو الاختراق عليها التوجه فورًا لمباحث الانترنت وأخذ أجراء فوري لأن هذه المشكلة أصبحت في تزايد والقضية مهمة جدآ، وعلى على البنت التوجه لمباحث الإنترنت أو شخص متخصص فور تعرضها لهذه المشكلة وتكون البنات أمنة لأن فكرت الهكرز أصبحت كثيرة جدًا ويأخذها البعض كعمل له وهي كارثة بكل المقاييس ونصيحتي أن لا تثق البنت فى أي شخص بسهولة والمحافظة على خصوصيتها.
ما رايك في تصرف هايدى وفي الأمهات إلى تتعامل مع طليقها بالطريقة دي؟
هي فكرة ارفضها تمامًا ولا اتعاطف معاها إطلاقاً ولكن هايدي مثلها مثل الكثير من الناس لها ظروف نفسية وتربوية حدثت لها وصنعت منها هذا الشخص الموضوع بالمجمل يرجع إلى التربية وما يراه هؤلاء الأشخاص في طفولتهم، يمكن إلا تكون هايدي إنسانة سيئة ولكن من رأيي أنها أنانية وأم أنانية وتقوم بالاخطاء تجاه أبنتها وهي تظن أنها تحبها ولكنها تقوم بأذيتها، ف دورنا عند تمثيل هذه المواقف أن نحذر الأشخاص أنهم من الممكن أن يكونو يقعون في هذه الأخطاء دون أن يشعروا ويصبحون انانيون، وهذه الأنانية تدمر الكثير من الأطفال وشخصيتهم.
في رايك هل المسلسلات 5 و10حلقات ستساعد على اظهار اكبرعدد من الأفكار؟
رايي في مسلسلات الخمس وال 10حلقات بتساعد في اظهار الساعه اظهار اكبر عدد من افكار طبعا جدا انا مع ال 10 حلقات والخمس حلقات والسبع حلقات لان احنا بنبقى معانا عدد حلقات قليل مركزين في تركيز 30 حلقه يعني احنا كل ما بيبقى اقل احنا بنبقى مركزين قوي فتركيزنا مش بيتشتت في حاجات كتير الموضوع بيبقى مافيهوش رتابه مبيقاش فيه الاحداث مش نايمه لا احنا بنركز وبنحط الاسبوت على حاجه معينه بنلخصها في عدد صغير من الحلقات بتوصل المسدج للناس الناس بتبقى مركزه لانهم بيبقوا 10 حلقات مهمين ب 30 حلقه فبيبقى باختصار شديد اللي في الافكار ممكن تتقدم في حلقات كثيره بنقدمها احنا في حلقات عامله كده انا ما ده جدا وفعلا في افكار كثيره مهمه وصلت للناس في افكار كثيره توصل للناس وده اصلا مشروع او بروجكت ومفكره اللي انا ف هي دي المسدج بتاعت المسلسل كمان.
ما هي الأدوار التي تريدي تجسيدها مستقبلًا؟
ليس لدي شخصية بعينيها ولكن انا أحب تقديم الأعمال الواقعية المهمه لافاده الجمهور لان عملنا ليس فقط تمثيل فنحن لدينا رساله بنقدمها يبقى احنا ما بنعملش حاجه صح ولازم نعيد تفكيرنا فانا اي كان الدور اللي هابقى اقدمه في المستقبل احب اننا بعمل حاجه واحد في المئه الناس استفادت منها هابقى مبسوطه جدا ونفسي اكلوز قوي الفتره اللي جايه على الناس اللي عندها مشاكل صحيه بتتعرض للتمنر وبتتعرض لمشاكل مع الاخرين وان احنا كمجتمع مش بنقدر نتعامل مع الناس دي بشكل صحيح لازم نعيد تفكير ولازم نعيد توجيه للناس ازاي احنا نتعامل مع بعض باختلافنا لازم نعرف ان الانسان المختلف اي كان اختلافه في ايه في شكله او في صحته او ايا كان ده انسان اسبشل ومميز مش انسان ناقص دي حاجه انا نفسي اقدمها في المستقبل ويا رب ان شاء الله ربنا يقدرني واعمل ده انا بالتأكيد بعمل سيرش دلوقتي وان شاء الله باذن الله يبقا فيه عمل بالشكل ده.
هل لديك أعمال قادمة؟
أواصل حاليًا تصوير مسلسل الا انا “بالورقة والقلم”، ويوجد حكاية جديدة في مسلسل الا انا ايضًا، وأقدم مسرحية في المهرجان العربي المسرح في اكاديميه الفنون المسرحيه اسمها بدايه ونهايه دي روايه وهي روايه معروفه.
التعليقات مغلقة.