لسه فاكر … بقلم: جمال القاضي
لسه فاكر
بقلم: جمال القاضي
المزيد من المشاركات
أنا لسه فاكر كل ال كان
فاكر لقانا بنفس المكان
ضحكة حلوة وحديث غرام
ايدي بايديك ونظرة هيام
وقلت أحبك والنظرة كانت
ما بينا من الإشارة ترجمان
وقلت فيها عاشق لقلبك
بس بقصيدة وبأحلى الكلام
عاشق جمالك والوصف كان
بدر على الأرض ساكن
ومن جماله عليك القلب غار
وحسيت كأني في فلك هواك
نجم ساطع وحوليك دار
والطير معايا داير يغني
بنشيد لحبك ليل نهار
واتمنيت لحظة لقانا تبقى
بنفس شوق ولهفة زمان
ومعاك دايما ومعايا أنت
نكمل حكاية الحب بينا
ياحب عمري ونبع دايم للحنان
