لقاء إذاعي نادر مع رشدي أباظة..يجيب علي أسئلة تكشف جوانب خفية من شخصيته

كتب احمد علي 

في لقاء إذاعي قديم نادر أجاب دنجوان السينما المصرية الفنان الكبير الراحل رشدي أباظة علي مجموعة من الأسئلة السريعة التي تبدأ بكلمة أول ومن خلال إجابته يمكن أن تتعرف علي شخصية النجم المحبوب.
وجاءت الأسئلة كالتالي:

= أول حرف من أسمك؟
– ر
= أول عمل تحب أن يقترن بأسمك؟
– طريق الأمل
= أول ما يعرف بيه ” ر” عند الجمهور؟
– الجدعنة.
= أول صفة تحبها في المرأة؟
– الوفاء
= أول صفة تلفت نظرك في الرجل؟
– الجدعنة.
= أو طبق يكون علي مائدتك؟
– كبايه ماء
= أول رحلة صيد في حياتك كانت فين وليه؟
– رحلة صيد في الفيوم عشان بحب الصيد
= أول مرة شعرت بالخوف؟
– وأنا في المقابر كنت رايح أزور ناس صحابي وملقتهمش ورجعت لوحدي وعديت علي الترب وكنت خايف
= أول شئ ممكن تستغني عنه؟
– قميصي
= أول حب؟
– حب الله
= أول فيلم أتعرض للجمهور كان أيه أحاسيسك؟
– المليونيرة الصغيرة ويومها كنت بترعش مع أني كنت رياضي كبير.
= أول نقد لاذع وجه إليك؟
– كان من صحفي اسمه سامي في مجلة روزاليوسف وهو اللي كان طلع عليا مفتول العضلات فحسيت أنه كان بيتريق عليا.
= أول عمل تقوم به في الصباح؟
– بتمرن
= أول مكان تتجه إليه عشان تقضي أجازتك؟
– باريس
= أول مكالمة تليفونية في أول اليوم لمين؟
– الست والدتي
= أول غلطة في حياتك؟
– أني أتولدت
= أول صوت غنائي بيدخل قلبك؟
– عبد الحليم حافظ
= أول جواب أسعدك كان من مين؟
– من معجب
=أول نجمة او نجم تحرص علي دخول أفلامهم؟
– أجانب للأسف
= أول كلمة غزل تجاوبت معها وكانت من مين؟
– بحبك من حبيبتي
= أول فيلم من أنتاجك؟
– عاشور قلب الأسد
= أول حاجة ممكن تعملها لما تشوف شحات في الشارع؟
– أوقف العربية وأنزل اديه اللي فيه القسمة
= أول بطلة مثلت معاها؟
– تحية كاريوكا
= أول ما يشغل فكرك الآن؟
– أني اروح أنام
= أول مفهوم للصداقة؟
– برضو الوفاء
= أول شخصية عالمية مرموقة تتمني تلتقي بها؟
– طبعا الرئيس أنور السادات
= طيب لو قابلته أول حاجة تقولهاله؟
– بحبك
= أول ما يغيرك بالسفر؟
– الراحة
= أول لون تنتقيه لملابسك؟
– الأبيض والأسود
= أول الطيور تفضل سماع صوتها؟
– الكروان
= أول حيوان تستمتع بمشاهدتها؟
أول كتاب قرأته كان أيه ولمين؟
– البؤساء لفيكتور هوجو؟
= أول علقة أخدتها ؟
– كانت وأنا صغير من ابن جزار وردتهاله بعد 3 سنين
= أول كدبة؟
– ما اقدرش افتكرها ،كنت بكدب كتير في حياتي.
= أول حاجة ضاعت منك ؟
– سلسلة مفاتيح
= أول كلمة أعجاب أتقالت لك؟
– لا مش فاكرها
= أول ما تتخلي عنه من أشيائك؟
– ملابسي
= أول مخرج تحرص علي مشاهدة أفلامه؟
– فرنك كابرا
= أول شخصية عالمية تتنكر في زيها؟
– روميل
= أول هدية أتقدمتلك؟
– بندقية
= أول أجر حصلت عليه؟
– 150 جنيه
= أول مهنة تصورت نفسك فيها وأنت صغير؟
– ظابط طيار
= أول ما تقابل شكري سرحان تقوله ايه؟
– أهلا حبيبي
= أول ما يبكيك؟
– حب الناس
= أول ما يسعدك؟
– حب الناس
أول ذكرياتك الحلوة؟
– حبي الأول