لقاء الخميسي توضح حقيقة تصريحها عن حذف خانة الدين من البطاقة
لقاء الخميسي توضح حقيقة تصريحها عن حذف خانة الدين من البطاقة
كتبت: مي شاهين
نشرت الفنانة لقاء الخميسي، عبر صفحتها الرسمية على موقع تبادل الصور والفيديوهات الشهير “إنستجرام”، بوست عبر خاصية ستوري تتحدث فيه عن ما أهمية خانة الدين في البطاقة.
وعلقت قائله :”أحب أرد على أصدقائي وأقولهم وإيه أهمية خانة الديانة؟ البطاقة الشخصية عشان نعرف إسم حضرتك وميلادك لأي مصالح حكومية أو أي ظرف أمني.. ودا مالوش علاقة تمامًا بديانة حضرتك.. الديانة تخصك أنت لوحدك ما تخصش أي مصالح حكومية أو أي شخص عادي أو أي مكان أو إنسان أخر”.
وأضافت:”إلا إذا حضرتك بتصنف الناس بدينهم وتختار تتعامل مع الناس بمسلم ولا مسيحي ولا يهودي ولا حتى مجوسي.. الديانة وعلاقة الإنسان بربه ومعتقداته أمور شخصية جدًا ومش عامة.. يارب يكون كلامي وضح وجهة نظري.. معرفتك بديانة الأخر لا هاتزود ولا هاتنقص.. مطلوب منك تتعامل بإنسانية فقط مع أي شخص أيًا ما كانت ديانته”.
ووقع هجوم على لقاء الخميسي من بعد هذا التصريح، لترد لقاء الخميسي على أحد الجمهور قائله:” فين المشكلة لو بني آدم أتدفن ومالوش مقبرة يتدفن في مقابر المسلمين!!، أحنا في مصر إللي بلد الحضارات وبداية المعتقدات الدينية، إيه علاقة السفر بالديانة، مين إللي أتنازل عن الدين مش فاهمه وهما مين الكل؟. إيه علاقة الدين بالفخر والعزة، الدين يخص علاقتك بربك مالوش علاقة بالناس علشان تفتخر أمامهم، آه في معتقدات كتير زي المجوسية والبوذية والزرداشتية وأكتر بكتير مما تتصور وكلها تستحق الإحترام، وإللي مؤمن بيها يستحق الإحترام علشان حضرتك لازم تعامله بإنسانية مش بديانته إيه ومعتقده غيه”.
وأضافت :” أخيرًا حضرتك أحنا مش مستنيين شهرة أحنا بنحاول ندعم الأفكار الإيجابية علشان نبقى متحضرين ومصر تبقى في مصاف الدول العظمى، كلامي واضح ماعرفتك ديانة الآخرين لا هاتزود ولا هاتنقص مش خانة الديانة لا هاتزود ولا تنقص”.
