لكل بنوته دخله الجامعه
بقلم ستايليست / داليا حسام

همسه لكل بنوته داخله على الجامعه استنى قبل ما تنزلى تشترى هدوم للجامعه افتحى دولابك هتلاقى فيه حاجات كتير اوى مبتستخدميهاش اذا ركزتى هتلاقى ان فى بلوزه محتاجه سكارف جديد ألوانه حلوه تغير منظرها هتلاقى شيميز محتاج أندر شيرت علشان يتلبس هتلاقى بنطلون محتاج بلوزه بلون معين .

هتلاقى فستان محتاج كاردجن المهم انك ساعتها هتنزلى تجيبى اللى يكمل ده مع كام طقم جداد ساعتها هتلاقى نفسك كونتى اطقم كتير مكنتيش واخده بالك منها بس ركزى ان يكون عندك اساسيات :

كوتشى ابيض لانه بيليق على كل اللبس
بنطلون جينز ده اساسى لكل بنت
بلوزه بيضاء اساسى فى دولابك علشان اذا احتاجتى يوم تلبسى سيمى فورمل مع بليزر ازرق او اسود وده هتلبسيه على الجينز
حولى تخلى حجم شنط الجامعه كبيره شويه علشان بتكون عمليه بتقدرى تحطى فيها حاجاتك.

البنات اللى جسمهم مليان ياريت نبعد عن المشجرات لان المشجر بيظهر امتلاء الجسم واذا حبينا نلبس حاجه مشجره يبقى حاجه جوه اللبس مش واخده مساحه الجسم كله
المقلم بلطول بيبقى لطيف وبيرفع اكتر .

دايما خلى تحت بلوزاتك اندر شيرت بيبقى عملى فى حركتك هتبقى مطمنه ان فى حاجه تحت البلوزه او الشميز
بلاش الفساتين مش عمليه للجامعه بس اذا حبيتى اختارى الفستان المناسب بلاش شيفون أو حرير خليه جينز أو أى حاجه على ااقطان بيبان عملى اكتر
اذا بتحبى الجوب بلاش الضيقه اوى علشان تعرفى تتحركى متبقيش مخنوقه فى حركتك.

اختارى الالوان اللى تناسب سنك وجسمك ولون بشرتك
بمعنى اذا لونك فاتح بلاش الوان تخليكى بهته زى الاصفر الفاتح واللبنى والاوف وايت متلبيسهمش ساده دخلى فيهم الوان علشان بيخلو الوش باهت اذا لوحدهم .

واذا كان لونك قمحى واغمق ابعدى عن الالوان اللى تغمقك زى الموف والكحلى الغامق والزيتى
اختارى دايما اللى يخليكى مشرقه
كل ما تكونى بسيطه بتكونى اشيك وبتكونى مريحه للعين اكتر .
جمالك_ وشياكتك_ فى_ بساطتك.