لكى ياسيدتى ” كوني أنثى” ..بقلم / داليا حسام
لكى ياسيدتى ” كوني أنثى” ..بقلم / داليا حسام
متهزريش لحد ما تفقدى هيبتك ايوه متستغربش الست لازم يكون ليها هيبه مش اى حد يتجرأ على الهزار معاها ولا كل أشكال الهزار تكون مقبوله
متتكلميش لحد ما اللى قدامك يصدع من تفاصيل كلامك ويشوفها ممله خلى كلامك محدد وعزيز ابتعدى عن الكلام الكتير الغير هادف
مش عيب انك متعرفيش حاجات كتير مش مطلوب منك تكونى بنك معلومات بس لو اتكلمتى لازم تعرفى الكافى عن الموضوع اللى بتتكلمى فيه مش عيب تقولى معرفش بس العيب انك تبانى ساذجه
متحشريش نفسك فى تفاصيل حياة غيرك سيبى الحرية للى قدامك أنه يقولك اللى هو أو هى عاوزين يقولوه عن نفسهم كتير من الاسئله زى عندك اولاد أو انتى مخطوبه أو بتشتغل ايه اللى تبدو ليكى عادية ممكن تبدو إجابتها محرجة لغيرك
متنسيش طريقه جلوسك هى ثلث مظه
رك مش لازم تتعوجى فى قعدتك بس خدى بالك من شكلها وعلى فكره ااقل الجلسات رقة هى اللى بتحطى فيها رجل على رجل خليكى اكثر نعومه وٱناقة خصوصا وسط اصحابك
الست ابتسامه مش اكتر من ابتسامه ولو حكمت يبقى ضحكة صوتها ميعدبش ودانك
مش مهم ابدا تكونى لابسه سنييه أو لبس غالى كفاية تكونى بسيطة وريحتك حلوه ووشك صافى ومتجانس ومختاره اكسسورات مناسبة لوقت خروجك وافتكرى أن أصعب أنواع الأناقة ابسطها اشتغلى على ستايلك كل فترة وعيدى ترتيب أولوياتك فيه
اوعى تتكلمى عن نفسك إلا إذا حد طلب منك ده بسؤال مباشر لا تعليمك ولا ثقفتك ولا عيلتك ولا محلات الشوبنج بتاعتك تهم حد الا لو سأل عنها وياريت الاجابات تكون نبذة مختصرة علشان ميتقلش عليكى بتتمنظرى
خليكى لطيفة متستهيفيش رأى حد ولا تغلطى حد الا فى إطار زوق ومجاملة بلاش جمله الكلام ده غلط
وممكن تستبدليها مثلا أن الكلام غير دقيق الفرق كبير بين انك تكونى صريحة وأنك تكونى قليلة الزوق
كونى انتى انتى اللى اشتغلتى عليها وطورتيها وثقفتيها وعلمتيها محدش بيتولد كامل لكن كلنا بنتولد قابلين للتعلم
وأخيرا كونى وأثقه من نفسك محدش من حقة يقيمك ولكن مراعاتك لأصول اللياقه ده ليكى انتى ولصورتك الراقية
الأنوثه يعنى بساطة ورقى
خليكى أنثى
