لما قابلتك…. بقلم.. جمال القاضي
لما قابلتك
بقلم/ جمال القاضي
من لما قابلتك
أول مرة
وكانت صدفه مابينا
حاجة غريبة
حسيت أنا بيها
ونفسي أحكيها
بس كلام لحكايتي
من غير ولا حرف
لأن كلامها
على رمش عيوني
مكتوب بإشارة
ومرسوم بعيوني
تعالي وشوفي
هتلاقي بالأول صورتك
زي مرايا
عاكساها عيوني
ونسخة كمان أبقيتها
مطبوعة بقلبي
لما أشتاقلك
أسرح فيها وكأنك
حاضرة بصمتي
أتكلم تسمعي صوتي
وطيفك هو يرد عليا
إقري كمان هتلاقي
مكتوب بحكايتي
لهفة وشوق
من طول نظراتي إليك
لغه مابين قلبي وقلبك
وعيوني وعيونك
تكون مفهومة
وكأن قصايد
المزيد من المشاركات
بلهجة جديدة لها مكتوبة
ومش أول مرة
تقرا كلامها
وأنت عارفني
لما أقرب منك
لساني بيصمت
وكلامي بيهرب
بس جوارحي لحبك
هيا تعبر عنه
دقات من القلب
عاليه تلاقي
وكمان نبضاتي
ونظرات لعيوني طويلة
أكيد بتشوفها
ولا رعشة إيدي
دي حاجه غريبة
لإيدك أخاف ألمسها
وصوتي كمان بحضورك
شايفة أمامي مني بيهرب
وكأني ساعتها
لأول مرة أشوفك فيها
بس تقولي بحبك
ألقى القلب دقاته بتهدأ
وترجع كل
حاجه غريبة كنت تشوفها
زي الأول لأنك
وعدتني وعد
اليوم والبارح
تفضل قربي وساكن قلبي
تعرف ليه ياحبيبي
لأني بحبك وأعشق حبك
التعليقات مغلقة.