ليه يا مصر.. بقلم/ غرام نعيم.
كم مرة فيكي يامصر واحد مات غريق
ولا بحريق، أو حتى يعني عالطريق
ليه يامصر كل وقت فيه حداد
طب ليه مصرين كده عالسواد
ليه كل يوم اهمال وفساد
وضحايا جداد
عرسان تموت من الغاز
والبانيو أصله إزاز
طب ليه تضخ الغاز
ولا دي بقى ألغاز
ليه يامصر بقينا عليكي مش عزاز
وفي السكة الحديد
بقى كل يوم فيه جديد
ده حريق نتيجة شاي
وده يعني نزل وجاي
وعادي وكأنه روتين
طب حد يقول لي ازاي
دول يعني بني آدميين
دقت أجراس كثير
انذار ورا انذار
لكن مات الضمير
والناس بتستجير
