محمد رحيم يهدي اغنية “ضيعتني”.. من كلماته والحانه لابنته ماس 

كتبت: ريهام طارق

 أطلقت المطربة الصاعدة ماس محمد رحيم أولى أغنيات ألبومها الجديد بعنوان “ضيعتني“، وهي من كلمات وألحان والدها الموسيقار الراحل محمد رحيم، وتوزيع كريم أسامة، وتوزيع ديجيتال ساوند.

لكن المفاجأة لم تكن في الأغنية بقدر ما كانت في القصة التي تحملها خلف كواليسها 

أغنية “ضيعتني” كتبها ولحنها محمد رحيم في شبابه، لتغنيها ابنته بعد رحيله وكأنها تجدد ذكراه وتعيد كتابه اسمه من جديد.

تقول ماس محمد رحيم:

“بابا هو اللي اختار لي أغنيات الألبوم بنفسه، وكان شايف إن (ضيعتني) شبهى، وكان دايما بيقول إن محدش هيقدر يقدمها غيري… اللحن ده قديم، فيه كل إحساسه، كل تفاصيله اللى كنا بنعيشها معاه في البيت… وأنا فخورة إن الأغنية دي أول خطوة ليا، لأنها من قلبه قبل ما تكون من قلمي.”

تتوقف قليلًا، ثم تُكمل بابتسامةٍ مليئه بالدموع:

“أنا بدأت أحب الموسيقى وأنا عندي خمس سنين… كنت بحس إن البيت كله بيتنفس نغم، وكنت أكتب وألحن ووالدي يسمعلي ويتبسط، ولما وصلت لثمان سنين بدأت أركّب الهارموني لوحدي، وده لفت نظره جدًا… من يومها بقى هو معلمي وصاحبي وصوتي الثاني.”

محمد رحيم بالنسبة للناس ابنته لم يكن مجرد أب، بل كان عالم من الحنان والإلهام، والاحتواء .

تقول ماس:

“أنا شايفة إن تأثير محمد رحيم لازم يفضل موجود… لأن اللي عمله في الموسيقى مش سهل، هو غير شكلها في الوطن العربي، ولسه في حاجات كتير هتنزل من أعماله، حاجات العالم لسه ما سمعهاش.”

ثم تختم ماس حديثها:

“كل الناس بتقول إني شبهه… في الملامح، في طريقة الغناء، وحتى في التعبير. وأنا بحمد ربنا كل يوم إنه خلاني بنته وخلاه أبويا الأغنية دي مش حزينة زي ما العنوان بيقول، بالعكس، فيها أمل، فيها شجن جميل… فيها هو.”

كلمات الاغنية:

ضيعتني منك لله

وجرحتنى منك لله

خليتني احزن على اللي فات

و اندم على قلبي و هواه

مش عيب اقول اني انخدعت

او اني ضيعت لما انت بيعت

هبدأ حياتي من تاني عادي

اما الي جاي سيبها لله

و اذا كان اللي فات من عمري

كنت عاشرتك فيه

يبقى اكيد الجاي من عمري هنسى غرامك بيه

و انا هندم ليه و اصبر على ايه

ما صبرت تعبت يا ناس من قولة ال اه