مايسترو الهضبه حبى أنا ؟!!

علي صفحتها بموقع التواصل الاجتماعي الفيس بوك نشرت الطفله الممثله هولي المعروفه اعلاميا بأصغر فانز الهضبه ، صور جديده لها مع مايسترو الهضبه الملحن و الموزع الموسيقي المعروف طارق الطهطاوى و كتبت عليها :
مايسترو الهضبه حبى أنا و قد تداولت صفحات الفانز هذا البوست بشكل كبير معلقين عليه بتعليقات كثيره من نوعية : خدينا معاكى و يا بختك و انتى قريبة مين !!!

و قد اهتم الموقع بالاتصال بالطفله هولي التى قالت : انا بحضر كل حفلات الهضبه منذ ان كنت فى السابعه من عمرى و لم افوت حفله حتى الآن .. ماحدش بيعزمنى ، انا بشترى كل التذاكر و محتفظه بها ..
علشان اقف فى الصف الاول دائما بحرص علي الحضور قبل فتح بوابة دخول اى حفل بساعتين علي الاقل .. يعنى بنتظر الهضبه من 6 الي سبع ساعات !
فرقة الهضبه كلها ملحنين و موسيقين معروفين و من كتر الحفلات اللي حضرتها عرفونى من وانا صغيره جدا ..
الموسيقى طارق الطهطاوى معروف بجديته الشديده علي المسرح و انا كنت بخاف منه اوى من سنين و بخاف يكسفنى و لما قولتله الكلام ده ضحك بشده و من يوميها و انا أحرص علي الوصول اليه كل حفله و التقاط الصور معه حتى لقبته بحبى أنا !