ما بين والهجر والعناد تتألم القلوب…بقلم :محمد أبوزيد

ما بين والهجر والعناد تتألم القلوب

بقلم :محمد أبوزيد

أحزان القلوب

أنا مش قادر علي الأحزان ،دي أنا لفيت وتهت كتير ،
ومن باب لباب، وفي كل مرة بدق الباب يردوا ويقولوا مفيش مكان للأغراب ،كل يوم بتجرحي فيه مرة كلامك، ولا مرة جبر خاطر ليا، نفسي أدوق الحب اللي ياما أتمنيته، وسنين عشت استنيته، أكبر كلمه بتجرح
فيه لما يتقال عليه ان ضيعت عشرة السنين من اديه

ضعف القلوب أمام الحب

وطني كان حضنك، وفي عنيكي كنت بصبر نفسي علي وجع أيامي ،وشوش ذي الديابه ،واللي كان مليها البرأة صبحت بلون كحل العين ،قلوب من حجر والدم بقي ميه ،ولا في حب ولا في إنسانيه ،الصدق بقي بيجي كل سنه ذي مواسم السنه والأعياد ،زمن عجيب وزمن غريب ،نفسي أخد نفسي من تجريح الأيام ،دي بعد العسر يسر يا منجي من الأحزان

وتستمر الأحلام

أحلامي نفسي أشوفها بتحقق قدامي، ليه أحلامي عندهم بقت كابوس، ليه الكلمة منك بقت سكاكين ،
وليه في عز إنتصاري بلاقي فيكي إنكساري ،ليه في عز فرحتي بلاقيكي بتطفي فرحتي وسط صراع الليالي، صعبان عليه العشرة ديه ،هاتي قلب ضحي ،
وكان بينبض كل ثانية بأسمك، كان شايف وحاسس
كنت سامع أنين قلبي بيقول عودتني علي الأحزان،

جرح من الأحباب

مالك بيه يا قلبي تعبني معاك ليه بتلف الخطوة بميه واللي منك هما اللي جرحوك أقرب ما ليا من جنتهم حرموني ومن العطف والحنيه ما بيسقوني قرايب ايه وأحباب ايه داوي جرحك يا قلبي والله لو شكيت العمر كله عمر القلوب الحجر ما يلين ، الكل تايه وحزين وبيصرخ من السنين يحس بيك مين يا مسكين،صوتك تايه وسط ملايين منافقين برفع يدي وأقول جاي الحساب ويا ويلكم من دعاء المساكين