مبادرة “وعد، بـ خطوة للتحرر ” بقلم / وعد العيسوي

مبادرة “وعد، بـ خطوة للتحرر “
بقلم الصحفية/ وعد العيسوي

هي مبادرة عبارة عن سلسلة من المقالات هعرض فيهم بعض المشكلات الدفينة التي تبطل كل ما نسعي لاصلاحه في انفسنا، وتعرقل إبحارنا للنجاح وتنتقص من شعور الرضا بالنفس،
والهدف من إختيار الإسم هو وعد منكم بخطوة للتحرر

أول مقالة في مبادرتي
“وعد بخطوة للتحرر”،

كونك شخص إنتهازي للمواقف والأشخاص متتأملش النجاح الدائم، لإنك عاجلا ام اجلا هتتهمش، وده لإن عمدانك مش سليمة واساس نجاحك،”هش”.

مبينجحش ويعلي بأساس متين غير الشخص الحر، والشخص الغني نفسيا، ومستغني وطاغي عن كل شئ بـ عزة نفسه اولا، وثانيا بحرية رأية، وثالثا وأخيرا بـ إحترامه لذاته.

الشخص الحر هو من يسعي لنجاح ضمني، نجاح سليم
نجاح يراضي بيه ذاته ك شخص سوي عنده طموح وعايز يعلي علشان هو حابب العلا، وشايف نفسه يستاهل النجاح والوصول للأفضل

وعلي الجانب الاخر
الشخص منتهز المواقف، والمهزوز داخليا الي بيبذل مجهود كبير للنجاح طمعا ف إن النجاح ده يجعله أعلي قيمة من
” س أو ص” من الناس، فهو شخص سجين نفسه وأفكاره ونجاحه غير مؤهله لمنافسه الناجحين،
فما بني علي باطل هو باطل

والنجاح أو الرزق اللي ميخبطش علي بابك أسعي له بشموخ وبخطوة عزيزة علشان لما يجيلك تعرف تفرح بيه